સ્પોર્ટ્સ ઓથોરિટી ઓફ ગુજરાત, ગાંધીનગર અંતર્ગત જિલ્લા રમત ગમત પ્રશિક્ષણ કેન્દ્ર, અમરેલી દ્વારા આયોજિત ‘ખેલ મહાકુંભ ૨૦૨૬’માં શ્રી સ્વામિનારાયણ ગુરુકુલ સાવરકુંડલાના સાયન્સ વિભાગના વિદ્યાર્થીઓએ અન્ડર-૧૭ ચેસ સ્પર્ધામાં અદ્ભુત પ્રદર્શન કરીને તાલુકા કક્ષાએ શ્રેષ્ઠ સિદ્ધિ હાસિલ કરી છે.
તાલુકા કક્ષાની આ સ્પર્ધામાં સાવરકુંડલા ગુરુકુલના વિદ્યાર્થીઓએ પ્રથમ, દ્વિતીય અને તૃતીય – ત્રણેય ટોચના ક્રમાંક મેળવી શાળાનું ગૌરવ વધાર્યું છે:
પ્રથમ ક્રમાંક: ત્રિવેદી અનામિકા ટી.
દ્વિતીય ક્રમાંક: ઉપાધ્યાય દેવાંગ વી.
તૃતીય ક્રમાંક: રાવલ વિરાજ વી.
આ ઝળહળતી સિદ્ધિ બદલ સંસ્થાના પૂજ્ય સંતો, પૂજ્ય કોઠારી શ્રી અક્ષરમુક્તદાસજી સ્વામીજી તેમજ નિયામકશ્રી અને આચાર્યશ્રી દ્વારા તમામ વિજેતા વિદ્યાર્થીઓને ખૂબ-ખૂબ અભિનંદન પાઠવવામાં આવ્યા છે. સાથે જ, આગામી જિલ્લા કક્ષાની સ્પર્ધામાં પણ તેઓ આવું જ ઉત્કૃષ્ટ પ્રદર્શન કરી શાળા તથા તાલુકાનું નામ રોશન કરે તેવી શુભકામનાઓ વ્યક્ત કરી છે.
Recent Comments