ભાવનગર ખાતે જિલ્લા કક્ષાના ૭૨મા પ્રજાસત્તાક પર્વની મંત્રી શ્રી કુવરજીભાઇ બાવળીયાના હસ્તે ધ્વજવંદન કરી ઉજવણી કરાશે

૭૨મા પ્રજાસત્તાક પર્વના જિલ્લા કક્ષાના ઉજવણી સમારોહ નિમિત્તે ૨૬મી જાન્યુઆરી, ૨૦૨૧ના રોજ ધ્વજવંદન કાર્યક્રમનું આયોજન કરવામાં આવેલ છે. આ પ્રસંગે ગુજરાત રાજ્યના કેબિનેટ મંત્રીશ્રી, પાણી પુરવઠા, પશુપાલન, ગ્રામ ગૃહ નિર્માણ શ્રી કુંવરજીભાઇ બાવળીયાના વરદ હસ્તે ધ્વજવંદન વિધિ સવારે ૯:૦૦ કલાકે પોલીસ પરેડ ગ્રાઉન્ડ, એસ.પી.કચેરી કંપાઉન્ડ, નવાપરા ખાતે યોજાશે. જેમા ધ્વજવંદન વિધિ બાદ પરેડ નિરીક્ષણ, માર્ચ પાસ્ટ અને સાંસ્કૃતિક કાર્યક્રમ તેમજ મંત્રીશ્રી દ્વારા ઉદબોધન અને પદક-પ્રદાન અને સન્માન કાર્યક્રમ, સાંસ્કૃતિક કાર્યક્રમો, પોલીસ/હોમગાર્ડ/એન.સી.સી. વગેરે તરફથી પરેડ, ઈનામ વિતરણ, વૃક્ષારોપણ વગેરે જેવા કાર્યક્રમો યોજાનાર છે.