એકલવ્ય, સરદાર પટેલ તથા જયદીપસિંહજી સિનિયર-જુનિયર એવોર્ડ માટે તા. ૧૫ ઓક્ટોબર સુધી ઓનલાઈન અરજી કરી શકાશે

રમત ગમત, યુવા અને સાંસ્કૃતિક પ્રવૃત્તિઓ વિભાગ દ્વારા આપવામાં આવતા એકલવ્ય, સરદાર પટેલ તથા જયદીપસિંહજી સિનિયર-જુનિયર એવોર્ડ માટે ઓનલાઈન અરજી પ્રક્રિયા શરૂ કરવામાં આવી છે. વર્ષ ૨૦૨૨-૨૩, ૨૦૨૩-૨૪ તથા ૨૦૨૪-૨૫ દરમિયાન સિદ્ધિ મેળવનાર પાત્ર ખેલાડીઓએ એવોર્ડ માટે ઓનલાઈન અરજી કરવાની રહેશે.

આ એવોર્ડની અરજી કરવા માટે ખેલાડીઓએ તા. ૧૧ સપ્ટેમ્બર, ૨૦૨૬થી તા. ૧૫ ઓક્ટોબર, ૨૦૨૬ દરમિયાન સ્પોર્ટ્સ ઓથોરિટી ઑફ ગુજરાતની વેબસાઇટ https://sportsauthority.gujarat.gov.in પર ઓનલાઈન અરજી કરવાની રહેશે.

અમરેલી જિલ્લાના ખેલાડીઓને વધુ માહિતી અને માર્ગદર્શન માટે જિલ્લા રમત ગમત અધિકારીની કચેરી, જિલ્લા રમત પ્રશિક્ષણ કેન્દ્ર, ગોળ દવાખાનાની બાજુમાં, ચિતલ રોડ, અમરેલી ખાતે સંપર્ક કરવા જણાવાયું છે. ઓનલાઈન અરજી કરવામાં કોઈ તકલીફ જણાય તો ઉપરોક્ત કચેરીનો સંપર્ક કરી જરૂરી માર્ગદર્શન મેળવી શકાશે તેમ, અમરેલી જિલ્લા રમત ગમત અધિકારીશ્રીએ એક યાદીમાં જણાવ્યું છે.