ભાવનગરમાં વિજયાદશમીના પર્વ નિમિત્તે દર વર્ષની પરંપરા જાળવી રાખતાં આગામી તા. ૨૦ ઑક્ટોબર,
મંગળવારના રોજ સાંજે ૬:૩૦ કલાકે ‘વિજયાદશમી મહોત્સવ–રાવણ દહન’ કાર્યક્રમનું આયોજન કરવામાં આવ્યું છે.
કેબિનેટ મંત્રીશ્રી અને ભાવનગર પશ્ચિમના ધારાસભ્ય શ્રી જીતુભાઈ વાઘાણીની પ્રેરણાથી બજરંગ વિકાસ સમિતિ દ્વારા
આયોજિત આ કાર્યક્રમ ચિત્રા માર્કેટિંગ યાર્ડ, ભાવનગર– રાજકોટ રોડ, ચિત્રા ખાતે યોજાશે.
છેલ્લાં ૧૨ વર્ષથી સતત યોજાતો આ કાર્યક્રમ આ વર્ષે ૧૩મા વર્ષમાં પ્રવેશી રહ્યો છે. ધાર્મિક, સાંસ્કૃતિક અને પૌરાણિક
મહત્ત્વ ધરાવતા આ કાર્યક્રમમાં સંતો-મહંતોની વિશેષ ઉપસ્થિતિમાં રાવણ દહન સહિતના કાર્યક્રમો યોજાશે. ઉત્તર
પ્રદેશથી આવેલા કારીગરો દ્વારા રાવણ, કુંભકર્ણ અને મેઘનાથનાં પ્રતિકાત્મક પૂતળાં તૈયાર કરવામાં આવી રહ્યાં છે.
આ કાર્યક્રમમાં રાજકીય અને સામાજિક આગેવાનો તેમજ ઉદ્યોગપતિઓ ઉપસ્થિત રહેશે. ભાવનગર શહેર ઉપરાંત
આસપાસના ગ્રામ્ય વિસ્તારોના નાગરિકો પણ આ મહોત્સવનો લાભ લઈ શકે તેવા હેતુથી આયોજકો દ્વારા તૈયારીઓને
આખરી ઓપ આપવામાં આવી રહ્યો છે.
વિજયાદશમીના પર્વની પરંપરા, ધાર્મિક આસ્થા અને સાંસ્કૃતિક વારસાને ઉજાગર કરતા આ મહોત્સવમાં ભાવનગરના
નાગરિકોને સહભાગી થવા બજરંગ વિકાસ સમિતિ દ્વારા જાહેર આમંત્રણ પાઠવવામાં આવ્યું છે.
કાર્યક્રમની વિગતો
- તારીખ: ૨૦ ઑક્ટોબર, ૨૦૨૬ (મંગળવાર)
- સમય: સાંજે ૬:૩૦ કલાકે
- સ્થળ: મહારાજા શ્રી કૃષ્ણકુમારસિંહજી માર્કેટિંગ યાર્ડ, ભાવનગર–રાજકોટ રોડ, ચિત્રા, ભાવનગર
