ગુજરાત સરકાર દ્વારા રાજ્ય સરકારની વિવિધ પ્રજાલક્ષી યોજનાઓનો લાભ નાગરિકોને સતત મળતો રહે તેમજ વિવિધ સરકારી સેવાઓ નાગરિકોને તેમના રહેઠાણની નજીકના સ્થળે અને તે જ દિવસે ઉપલબ્ધ થઈ શકે તેવા ઉમદા હેતુથી નગરપાલિકા કક્ષાએ શહેરી સેવાસેતુ કાર્યક્રમના ૧૨માં તબક્કાનું આયોજન કરવામાં આવ્યું છે.
જે અંતર્ગત અમરેલી નગરપાલિકા, કચેરી દ્વારા આગામી તા. ૨૩/૦૯/૨૦૨૬ના રોજ સવારે ૦૯:૦૦ કલાકથી અમરેલી નગરપાલિકા કચેરી ખાતે તથા તા. ૩૦/૦૯/૨૦૨૬ના રોજ સવારે ૦૯:૦૦ કલાકથી જેશીંગપરા પટેલવાડી, શિવાજી ચોક ખાતે શહેરી સેવાસેતુ કાર્યક્રમ યોજાશે.
અમરેલી શહેરના તમામ વોર્ડના નાગરિકો અને લાભાર્થીઓને આ સેવાસેતુ કાર્યક્રમનો લાભ લેવા તથા વિવિધ સરકારી સેવાઓનો લાભ મેળવવા અમરેલી નગરપાલિકા દ્વારા અનુરોધ કરવામાં આવ્યો છે.
Recent Comments