શ્રી પી.પી.એસ. હાઇસ્કૂલ, વંડા ખાતે ‘શિક્ષક દિન’ની ઉત્સાહભેર ઉજવણી: ૪૫ બાળ-શિક્ષકોએ વર્ગસંચાલન સંભાળ્યું

શ્રી પી.પી.એસ. હાઇસ્કૂલ, વંડા ખાતે ડૉ. સર્વપલ્લી રાધાકૃષ્ણનની જન્મજયંતી નિમિત્તે ‘શિક્ષક દિન’ની ભવ્ય ઉજવણી કરવામાં આવી હતી. આ પ્રસંગે શાળાના ૪૫ વિદ્યાર્થીઓએ ઉત્સાહપૂર્વક એક દિવસ માટે શિક્ષકની ભૂમિકા ભજવી વર્ગખંડોમાં પ્રભાવશાળી શિક્ષણકાર્ય કરાવ્યું હતું.

​કાર્યક્રમ દરમિયાન આચાર્ય સંજયભાઈ ચૌહાણે ‘વિદ્યાર્થી જીવનઘડતરમાં શિક્ષકની ભૂમિકા’ અને શ્રી પ્રવીણભાઈ ઝીંઝુવાડીયાએ ડૉ. રાધાકૃષ્ણનના જીવન-યોગદાન પર પ્રેરણાદાયી વક્તવ્ય આપ્યા હતા. અંતમાં, શાળા પરિવારે બાળ-શિક્ષકોની સુંદર કામગીરીની પ્રશંસા કરી અભિનંદન પાઠવ્યા હતા.એમ દીપકભાઈ ઝડફિયાની એક યાદીમાં જણાવાયું હતું