ભારતી પબ્લિક વેલ્ફેર ટ્રસ્ટ, વિઠ્ઠલપુર–અમરેલી દ્વારા ડૉ. આંબેડકર ભવન, અમરેલી ખાતે **“તેજસ્વી તારલાનું સન્માન સમારોહ–2026”**નું ભવ્ય આયોજન કરવામાં આવ્યું હતું. સમાજમાં શિક્ષણ, સેવા અને પ્રતિભાને પ્રોત્સાહન આપવાના ઉદ્દેશ્યથી આયોજિત આ કાર્યક્રમમાં મોટી સંખ્યામાં મહાનુભાવો, અધિકારીઓ, જનપ્રતિનિધિઓ, શિક્ષકો, વાલીઓ, વિદ્યાર્થીઓ અને નાગરિકો ઉપસ્થિત રહ્યા હતા.
કાર્યક્રમના અધ્યક્ષ તરીકે ગુજરાત સરકારના માનનીય ઊર્જા તથા કાયદા મંત્રીશ્રી શ્રી કૌશિક વેકરીયા ઉપસ્થિત રહ્યા હતા. વિશિષ્ટ ઉપસ્થિતિમાં શ્રી એન. એલ. ખુમાણ નાયબ નિયામક અનુસૂચિત જાતિ કલ્યાણ (વર્ગ–1) પંચમહાલ, શ્રીમતી દક્ષાબેન મુકેશભાઈ મહિડા પ્રમુખશ્રી તાલુકા પંચાયત સાવરકુંડલા, શ્રીમતી સરોજબેન સંદીપભાઈ સોલંકી ચેરમેનશ્રી સામાજિક ન્યાય સમિતિ, તાલુકા પંચાયત અમરેલી, શ્રી અતુલભાઈ કાનાણી પ્રમુખશ્રી જિલ્લા ભાજપ અમરેલી, શ્રી ખીમજીભાઈ મકવાણા નિવૃત્ત પી.એસ.આઈ. અમરેલી, શ્રી મનોજભાઈ ચુડાસમા નિવૃત્ત શાસનાધિકારી અમરેલી, શ્રી જે.આર.સોંદરવા જિલ્લા સમાજ કલ્યાણ અધિકારી અમરેલી, શ્રી જે. ડી. સોલંકી નાયબ મામલતદાર (પુરવઠા) અમરેલી, શ્રી રમેશભાઈ રાઠોડ નાયબ મામલતદાર અમરેલી, હેમંત પરમાર ગાયક કલાકાર, શ્રીમતી આશાબેન એન. ખુમાણ મંત્રીશ્રી ભારતી પબ્લિક વેલ્ફેર ટ્રસ્ટ, શ્રી અશ્વિનભાઈ બાબરીયા, ઉપપ્રમુખશ્રી, ભારતી પબ્લિક વેલ્ફેર ટ્રસ્ટ તથા શ્રી જે.બી. મકવાણા, સંજય મકવાણા, દિનેશ રાઠોડ, દિલીપ ચાવડા, મેહુલ બગડા, સોહલિયા, મનહર પરમાર, શરદ મકવાણા, તુલસીભાઈ મકવાણા, જયંતીભાઈ ગોહિલ, હરેશ દાફડા, રાજેશભાઈ દામોદરા, ભરત સોલંકી, નીતિન વિંઝુડા, ધીરુ વાઘેલા, અતુલભાઈ બગડા તેમજ ઉમેશભાઈ ચાવડા આકાશવાણી વાર્તાકાર અમરેલી સહિતના આગેવાનો ઉપસ્થિત રહ્યા હતા.
કાર્યક્રમનું વિશેષ આકર્ષણ તરીકે ભારતી પબ્લિક વેલ્ફેર ટ્રસ્ટની સત્તાવાર વેબસાઇટ તથા મોબાઇલ એપ્લિકેશનનું લોકાર્પણ મહાનુભાવોના હસ્તે કરવામાં આવ્યું હતું. નવી ડિજિટલ વ્યવસ્થાના માધ્યમથી સંસ્થાની વિવિધ સેવાઓ, કાર્યક્રમોની માહિતી, નોંધણી પ્રક્રિયા, સામાજિક પ્રવૃત્તિઓ તથા જનસંપર્કને વધુ સરળ, પારદર્શક અને અસરકારક બનાવવાનો ટ્રસ્ટનો મહત્વપૂર્ણ પ્રયાસ હોવાનું મહેમાનશ્રીઓએ જણાવ્યું હતું. આ પ્રસંગે વેબસાઇટ અને મોબાઇલ એપ્લિકેશનનું જીવંત પ્રદર્શન પણ કરવામાં આવ્યું હતું, જેને ઉપસ્થિતોએ વધાવી લીધું હતું.
સમારોહ દરમિયાન વર્ષ–2026માં 70 ટકા કે તેથી વધુ ગુણ પ્રાપ્ત કરનાર ધોરણ–5થી માસ્ટર ડિગ્રી સુધીના 120થી વધુ વિદ્યાર્થીઓનું સન્માન કરવામાં આવ્યું હતું. વિદ્યાર્થીઓને અભિનંદન પ્રમાણપત્ર સાથે શૈક્ષણિક કિટ અર્પણ કરવામાં આવી હતી. કિટમાં પુસ્તકો, ચોપડા, કંપાસ બોક્સ, રાઇટિંગ પેડ, બોલપેન, લંચ બોક્સ, પાણીની બોટલ સહિતની ઉપયોગી શૈક્ષણિક સામગ્રીનો સમાવેશ કરવામાં આવ્યો હતો.
આ ઉપરાંત નવી નિમણૂંક મેળવનાર સરકારી કર્મચારીઓ, નિવૃત્ત કર્મચારીઓ તેમજ સમાજમાં નોંધપાત્ર યોગદાન આપનાર મહાનુભાવોનું પણ સન્માન કરવામાં આવ્યું હતું.
મહેમાનશ્રીઓએ પોતાના સંબોધનમાં જણાવ્યું હતું કે શિક્ષણ એ સમાજના વિકાસનો મજબૂત પાયો છે અને પ્રતિભાશાળી વિદ્યાર્થીઓને પ્રોત્સાહન આપવાના આવા પ્રયાસો સમાજને નવી દિશા આપે છે. સાથે જ ડિજિટલ યુગમાં ટ્રસ્ટ દ્વારા વેબસાઇટ અને મોબાઇલ એપ્લિકેશન શરૂ કરવાનું પગલું સમયોચિત અને આવકારદાયક હોવાનું જણાવ્યું હતું.
કાર્યક્રમના અંતે ભારતી પબ્લિક વેલ્ફેર ટ્રસ્ટના ટ્રસ્ટીઓ દ્વારા તમામ મહાનુભાવો, દાતાશ્રીઓ, અધિકારીઓ, મીડિયા પ્રતિનિધિઓ, શિક્ષકો, વાલીઓ, વિદ્યાર્થીઓ, સ્વયંસેવકો અને સહયોગીઓનો હૃદયપૂર્વક આભાર વ્યક્ત કરવામાં આવ્યો હતો. સંસ્થાએ ભવિષ્યમાં પણ શિક્ષણ, સામાજિક સેવા અને ડિજિટલ જનકલ્યાણના ક્ષેત્રમાં વધુ અસરકારક કામગીરી કરવાની પ્રતિબદ્ધતા વ્યક્ત કરી હતી.
Recent Comments