કંગના રનૌતના બોડીગાર્ડ કુમાર હેગડે વિરુદ્ધ બળાત્કારના કેસમાં પોલીસે FIR નોંધી

મુંબઈ પોલીસે ડી.એન.નગર પોલીસ સ્ટેશનમાં બળાત્કારના કેસમાં કંગના રનૌતના બોડીગાર્ડ કુમાર હેગડે વિરુદ્ધ એફઆઈઆર નોંધી છે. સમાચાર અનુસાર, આ કેસ ૩૦ વર્ષના બ્યુટિશિયન દ્વારા દાખલ કરવામાં આવ્યો છે, જેણે આરોપ લગાવ્યો હતો કે હેગડે તેની સાથે લગ્ન કરવાનું વચન આપ્યું હતું અને બળાત્કાર ગુજાર્યો હતો. એફઆઈઆર મુજબ હેગડે ગત વર્ષે જૂનમાં પીડિતા સાથે લગ્ન કરવાનું વચન આપ્યું હતું. આરોપીએ લિવ-ઇન રિલેશનશિપ પણ સલાહ આપી હતી, જેના માટે પીડિતાએ સંમતિ આપી હતી, કેમ કે તેણી આગળ લગ્નની અપેક્ષા રાખી હતી.
બંને એકબીજાને ૮ વર્ષથી ઓળખે છે. ફરિયાદમાં વધુમાં જણાવાયું છે કે પીડિતાએ શારીરિક સંબંધ બાંધવાની ના પાડી હતી, પરંતુ આરોપીએ તેને આવું કરવા દબાણ કર્યું હતું. મુંબઈ પોલીસ પ્રવક્તા ડીસીપી ચૈતન્યએ પુષ્ટિ કરી, “હા, ડી.એન.નગર પોલીસ સ્ટેશનમાં એફઆઈઆર નોંધાઈ છે.” પોલીસ કેસની તપાસ કરી રહી છે. ‘
પીડિતાએ એમ પણ આરોપ લગાવ્યો હતો કે આરોપીએ તેની માતા બીમાર છે અને તેના વતન જવું પડ્યું હતું એમ કહીને તેણી પાસેથી ૫૦,૦૦૦ રૂપિયા ઉધાર લીધા હતા. ત્યારથી તે સંપર્કમાં નથી. આઈપીસીની કલમ ૩૭૬, ૩૭૭ અને ૪૨૦ હેઠળ કેસ નોંધવામાં આવ્યો છે અને હાલમાં તેની તપાસ કરવામાં આવી રહી છે.