અમરેલી જિલ્લાના બાગાયતદાર ખેડૂતમિત્રોને લાભ લેવા અનુરોધ

બાગાયત ખાતા દ્વારા અમલમાં આવતી વિવિધ યોજનાઓ જેવી કે કાચા મંડપ, પાક મંડપ, અર્ધ પાક મંડપ, ડ્રિપ ઇરીગેશન માટે પાણીના ટાંકા, પપૈયા, કેળ (ટિસ્યુ.), ખારેક ટિસ્યુ., હાઇબ્રીડ બિયારણ, બાગાયતી પાકોમાં વોટર સોલ્યુબલ ખાતર, કાચા-અર્ધપાકા-પાકા ટેકા મંડપ, કોલ્ડ ચેઈન મેનેજમેન્ટ, પેકીંગ મટીરીયલ, ઔષધિય પાકો, અન્ય સુગંધિત પાકો, ફુલ  પાકો, મસાલા પાકો, પ્લાસ્ટિક આવરણ (મલ્ચિંગ), ટ્રેક્ટર, ટ્રેક્ટર માઉંટેડ સ્પેયર, પાવર ટિલર, સ્વયંમ સંચાલિત બાગાયતી મશીનરી તેમજ અનેક અન્ય વિવિધ બાગાયતી યોજનાનો લાભ લેવા માટે આઈ-ખેડૂત પોર્ટલ (http://ikhedut.gujarat.gov.in) પર ઓનલાઈન અરજી કરવાની રહેશે. ઓનલાઇન અરજીની નકલ સાથે જરૂરી સાધનિક કાગળો ૭/૧૨ તથા ૮-અ, બેન્કપાસબુક તથા આધારકાર્ડની નકલ જેવા પુરાવા સાથે રાખવાના રહેશે. આ અંગે વધુ માહિતી માટે નાયબ બાગાયત નિયામકની કચેરીનો ૦૨૭૯૨ ૨૨૩૮૪૪ ઉપર સંપર્ક સાધવાનો રહેશે.