આ રીતે ઘરે બનાવો ભાખરવડી, ચા અને કોફી સાથે ખાવાની મજ્જા પડી જશે

મોટાભાગના લોકો ભાખરવડી ઘરે બનાવતા હોય છે. ભાખરવડી ચા અને કોફી સાથે ખાવાની બહુ જ મજા આવે છે. આમ, જો તમે ભાખરવડી ઘરે બનાવવા ઇચ્છો છો તો આ રેસિપી નોંધી લો તમે પણ…

સામગ્રી

1 કપ ચણાનો લોટ

1 કપ ઘઉંનો લોટ

2-3 મોટી ચમચી તેલ

સુકા લાલ મરચા

હળદર

ખાંડ

વરિયાળી

જીરું

મીઠું

તેલ

ખસખસ

આખા ઘાણા

સૂકા નારિયેળનું છીણ

ગરમ મસાલો

આમચુર પાઉડર

બનાવવાની રીત

• ભાખરવડી બનાવવા માટે સૌ પ્રથમ ચણાના લોટ અને ઘઉંના લોટને મિક્સ કરીને મીઠું અને તેલ નાંખીને એનો કડક લોટ બાંધી લો.
• ત્યારબાદ આ લોટ પર ભીનું કપડું રાખીને ઢાંકી દો.
• પછી ભાખરવડીની અંદર ભરવાનો મસાલો તૈયાર કરવા માટે મિડીયમ ગેસ પર પેન ગરમ કરવા મુકો.
• પેન ગરમ થાય એટલે એમાં વરિયાળી, જીરું, સુકા લાલ મરચા, આખા ધાણાં નાંખીને શેકી લો અને એને પ્લેટમાં કાઢીને ઠંડા થવા દો.
• હવે આ મસાલો ઠંડો પડે ત્યાં સુધી પેનમાં તલ, ખસખસ, નારિયેળનું છીણ નાંખીને એને શેકી લો.
• એક પ્લેટમાં આ મિશ્રણ કાઢીને ગેસ બંધ કરી દો.
• આ બન્ને ઠંડુ પડે એટલે બધુ ભેગું કરીને એમાં ખાંડ, મીઠું, આમચુર પાઉડર, હળદર અને ગરમ મસાલો નાંખીને એને મિક્સરમાં કરકરો પીસી લો.
• તો તૈયાર છે ભાખરવડી બનાવવાનો મસાલો.
• હવે આ સામગ્રી અને લોટને ત્રણ સરખા ભાગમાં વહેંચી લો.
• લોટના પહેલા ભાગમાંથી થોડી મોટી રોટલી વણી લો અને પછી એની પર થોડુ પાણી લગાવી દો.
• રોટલી પર તૈયાર કરેલો મસાલો સરખા ભાગમાં ફેલાવી દો.
• મસાલો ફેલાઇ જાય પછી રોટલીમાંથી રોલ તૈયાર કરી લો.
• આ રોલ બની જાય એટલે બન્ને બાજુ થોડુ પાણી લગાવીને રોલને ચોંટાડી દો, એટલે રોલ ટાઇટ બને.
• આમ, આ બધા રોલ થઇ જાય પછી ચપ્પુથી સરખા નાના-નાના ભાગ કરી લો અને ગોલ્ડન બ્રાઉન રંગની થાય ત્યાં સુધી તળો.

તો તૈયાર છે ભાખરવડી.