રાજ્યપાલ શ્રી આચાર્ય દેવવ્રતજીએ અમરેલી જિલ્લાના રાજુલા તાલુકાના પ્રવાસ દરમિયાન સમુહખેતી (ધુડીયા આગરીયા) ગામે સરકારી પ્રાથમિક શાળાના એક સામાન્ય ઓરડામાં રાત્રિ રોકાણ કર્યું હતું.
રાજ્યપાલશ્રી ગ્રામીણ સંસ્કૃતિ સાથે તાદાત્મ્ય સાધીને વહેલી સવારે સમુહખેતી ગામના ખેડૂત શ્રી મનસુખભાઈ કુંભાણીના ઘરે પહોંચ્યા હતાં અને ગાયોના પાલન પોષણની વિગતો મેળવી હતી.
ઉલ્લેખનીય છે કે, ખેડૂત મનસુખભાઈ કુંભાણી પાસે અંદાજિત ૩૨ વીઘા જેટલી જમીન છે, જેમાં તેઓ પ્રાકૃતિક કૃષિ સાથે બાગાયતી પાકનું પણ વાવેતર કરે છે. રાજયપાલશ્રીએ તેમના ઘરે જઈ અને ગૌ સેવા કરી હતી અને પશુપાલન સાથે પ્રાકૃતિક કૃષિ અંગે પ્રોત્સાહન પુરું પાડ્યું હતું.