મૂળ સાવરકુંડલાના વતની અને નાની ઉંમરે સિનેમેટોગ્રાફી તેમજ વન્યજીવ સંરક્ષણ ક્ષેત્રે દેશ-વિદેશમાં મોટી સિદ્ધિઓ હાંસલ કરનાર અદભુત યુવા ફિલ્મમેકર, ડિરેક્ટર અને વાઇલ્ડલાઇફ ફોટોગ્રાફર હર્ષવર્ધન રાઠોડ આજે પોતાના જીવનના ૨૪મા વર્ષમાં મંગલ પ્રવેશ કરી રહ્યા છે. સાવરકુંડલાની સ્થાનિક સંસ્થા શ્રી સ્વામિનારાયણ ગુરુકુળમાંથી પોતાનો પ્રાથમિક અને શાળાકીય અભ્યાસ પૂર્ણ કરનાર હર્ષવર્ધને ખૂબ જ નાની વયે પ્રકૃતિ, વન્યજીવો અને વિઝ્યુઅલ આર્ટ પ્રત્યેનો પોતાનો અનન્ય પ્રેમ પ્રગટ કરીને એક અનોખી સફર શરૂ કરી હતી.
હાલમાં અમદાવાદને પોતાની મુખ્ય કર્મભૂમિ બનાવીને કામ કરી રહેલા હર્ષવર્ધને વિશ્વવિખ્યાત એશિયાટિક સિંહો, ગીરનું પ્રકૃતિસભર જંગલ અને ત્યાંના ખમીરવંતા માલધારીઓના પરંપરાગત જીવનને પોતાના કેમેરાના લેન્સથી અદભુત અને જીવંત રીતે કંડાર્યું છે. સોની આલ્ફા અને જી-માસ્ટર જેવી આધુનિક હાઈ-એન્ડ ટેકનોલોજી સિસ્ટમના સચોટ ઉપયોગથી સિનેમેટિક સ્ટોરીટેલિંગમાં મહારત ધરાવતા આ યુવા સર્જકની ડિજીટલ વિડિયો સિરીઝ ‘ગીર ની વાતો’ અત્યારે લોકમુખે ચર્ચામાં છે અને ભારે લોકપ્રિયતા મેળવી રહી છે.
આ ઉપરાંત, વન્યજીવ અને માનવજાતના અદભુત સહઅસ્તિત્વ પર આધારિત તેમનો મહત્વકાંક્ષી ડોક્યુમેન્ટરી પ્રોજેક્ટ ‘COEXISTENCE’ ખૂબ જ પ્રશંસનીય રહ્યો છે, જેના થકી તેમણે ગુજરાતના ભવ્ય પ્રકૃતિ વારસાને વૈશ્વિક ફલક પર ઉજાગર કર્યો છે. આ ભગીરથ પ્રયાસો બદલ વન વિભાગના ઉચ્ચ અધિકારીઓ અને પ્રકૃતિપ્રેમીઓ તરફથી તેમને વ્યાપક પ્રશંસા અને પ્રોત્સાહન સાંપડ્યું છે.
હૈયું કાઠિયાવાડી ને હાથમાં
કેમેરાની કળા,
ગીરના સાવજ મલકે જોઈ હર્ષવર્ધનના વળાંક!
વિઝ્યુઅલ આર્ટની અદભુત સૂઝબૂઝ ધરાવવાની સાથે-સાથે હર્ષવર્ધન કાઠિયાવાડી સંસ્કૃતિ, તળપદી લોકબોલી અને રૂડા સાહિત્યના પણ પરમ ચાહક છે. તેઓ સાહિત્ય ક્ષેત્રે ઊંડો રસ ધરાવે છે અને સોશિયલ મીડિયાના માધ્યમ પર ‘રાહ’ (Raah) ઉપનામ હેઠળ સુંદર કવિતાઓ, ગઝલો અને હૃદયસ્પર્શી શાયરીઓ લખીને આજના યુવા વર્ગમાં પોતાના શબ્દોની અનેરી છાપ છોડી ચૂક્યા છે. આગામી ટૂંક જ સમયમાં વન્યજીવ અને કમર્શિયલ સિનેમેટોગ્રાફીને લગતા તેમના અન્ય ઘણા મોટા અને શાનદાર પ્રોજેક્ટ્સ પણ દર્શકો સમક્ષ આવવાની તૈયારીમાં છે.
પોતાની અદભુત કળા, કોઠાસૂઝ અને તનતોડ મહેનત થકી નાની ઉંમરે સાવરકુંડલા પંથકનું ગૌરવ દેશભરમાં વધારનાર આ લાડીલા પનોતા પુત્રને આજના તેમના ૨૪મા જન્મદિવસે તેમના પરિવારજનો, સ્નેહીજનો, વન વિભાગના મિત્રો, પત્રકાર મિત્રો તેમજ અસંખ્ય ચાહકો તરફથી સોશિયલ મીડિયા અને ફોન દ્વારા શુભેચ્છાઓનો અવિરત વરસાદ થઈ રહ્યો છે.
Recent Comments