સાવરકુંડલાના એડવોકેટ, નોટરી ગ્રાહક સુરક્ષા મંડળ સાવરકુંડલાના રમેશભાઈ હિરાણીની
કન્જ્યુમર કોન્ફેડરેશન ઓફ ઇન્ડિયા (CCI) દ્વારા રાષ્ટ્રીય કાર્યકારી સભ્ય તરીકે નિમણૂક કરવામાં આવેલ.
સંસ્થાના રાષ્ટ્રીય અધ્યક્ષ ડૉક્ટર અનંત શર્માની ભલામણ અને સીસીઆઈની જનરલ બોડીની બેઠકમાં લેવાયેલા નિર્ણયને અનુસરીને આ નિમણૂક કરવામાં આવી છે.
સંસ્થાના ચીફ ઇલેક્શન ઓફિસર શિવલાલ સેની દ્વારા આ નિમણૂક તાત્કાલિક અસરથી અમલમાં આવશે તેવી જાહેરાત કરવામાં આવી હતી. રમેશભાઈ હિરાણી ૨૦૦૧થી ગ્રાહક સંગઠનના રાષ્ટ્રીય સ્તરના સંગઠન તરીકે કાર્યરત છે. ગ્રાહકોના અધિકારોનું રક્ષણ, ગ્રાહક જાગૃતિ અને ગ્રાહક હિતોને લગતા પ્રશ્નોના નિરાકરણ માટે સંસ્થાની ભૂમિકા મહત્વપૂર્ણ છે.
સાવરકુંડલા ગ્રાહક સુરક્ષા મંડળના પ્રમુખ રમેશભાઈ હિરાણીને રાષ્ટ્રીય સ્તરે મહત્વપૂર્ણ જવાબદારી મળતા સાવરકુંડલા સહિત સમગ્ર પંથકમાં આનંદની લાગણી પ્રસરી છે. વિવિધ ક્ષેત્રના અગ્રણીઓ, મિત્રો અને શુભેચ્છકો દ્વારા તેમને અભિનંદન પાઠવવામાં આવ્યા છે.
