સાવરકુંડલાની શ્રી કે. કે. હાઈસ્કૂલમાં BIS સ્ટાન્ડર્ડ ક્લબ અંતર્ગત ‘માનાંક લેખન સ્પર્ધા’ સંપન્ન

ભારતીય માનક બ્યુરો (BIS) દ્વારા શાળાઓમાં ચાલતી સ્ટાન્ડર્ડ ક્લબ અંતર્ગત શ્રી કે. કે. હાઈસ્કૂલ, સાવરકુંડલા ખાતે વિદ્યાર્થીઓમાં દૈનિક જીવનમાં વાપરાતી વસ્તુઓની ગુણવત્તા અને તેના સલામતી ધોરણો પ્રત્યે જાગૃતિ કેળવવાના આશયથી “માનાંક લેખન પ્રતિભા યોગ્યતા” પ્રવૃત્તિનું સફળ આયોજન કરવામાં આવ્યું હતું.

​કાર્યક્રમની શરૂઆત શાળાના આચાર્ય શ્રી ચેતનભાઈ ગુજરીયા તથા BISના અધિકારી શ્રી અભિનવ સરના વરદ હસ્તે દીપ પ્રાગટ્ય કરીને કરવામાં આવી હતી. ત્યારબાદ વિદ્યાર્થીઓ દ્વારા પ્રાર્થના રજૂ કરી કાર્યક્રમને શુભમય બનાવવામાં આવ્યો હતો.

​આ પ્રસંગે BISના અધિકારી શ્રી અભિનવ સરએ વિદ્યાર્થીઓને સરળ અને રસપ્રદ શૈલીમાં માનકીકરણનું મહત્વ સમજાવ્યું હતું. તેમણે:

​ભારતીય માનક બ્યુરોની કામગીરી અને વિવિધ ઉત્પાદનો માટેના ISI માર્ક વિશે માહિતી આપી.

​દૈનિક જીવનમાં વાપરાતી ગુણવત્તાયુક્ત અને પ્રમાણિત (Certified) વસ્તુઓ જ ખરીદવા પ્રોત્સાહિત કર્યા.

​પ્રેસર કુકરના સ્ટાન્ડર્ડ પર ‘માનાંક લેખન સ્પર્ધા’

​કાર્યક્રમના મુખ્ય ભાગરૂપે વિદ્યાર્થીઓ માટે પ્રેસર કુકરના ભારતીય માનક (Standard) વિષય પર માનાંક લેખન સ્પર્ધાનું આયોજન કરાયું હતું. વિદ્યાર્થીઓએ ઉત્સાહપૂર્વક ભાગ લઈ પ્રેસર કુકરના સુરક્ષા ધોરણો, વાપરવાના માપદંડો અને ગુણવત્તા અંગે સુંદર લેખન રજૂ કર્યું હતું.

​મેન્ટર શિક્ષકોનું માર્ગદર્શન અને આભારવિધિ

​BIS સ્ટાન્ડર્ડ ક્લબના મેન્ટર શિક્ષકો શ્રી સાગરભાઈ વાડોદરિયા અને શ્રી અજયભાઈ ચાવડાએ વિદ્યાર્થીઓમાં વૈજ્ઞાનિક અભિગમ ખીલે તે માટે સ્ટાન્ડર્ડ ક્લબના ઉદ્દેશો અંગે વિસ્તૃત માહિતી પૂરી પાડી હતી.

​કાર્યક્રમના અંતે વિજ્ઞાન શિક્ષક શ્રી સાગરભાઈ વાડોદરિયાએ BIS અધિકારીશ્રી, આચાર્યશ્રી, શિક્ષકગણ અને વિદ્યાર્થીઓનો હૃદયપૂર્વક આભાર વ્યક્ત કર્યો હતો. કાર્યક્રમ દરમિયાન વિદ્યાર્થીઓ માટે નાસ્તાની પણ સુંદર વ્યવસ્થા કરવામાં આવી હતી.

નૂતન કેળવણી મંડળના પ્રમુખ શ્રીમતી ચંદ્રિકાબેન કામદાર, ટ્રસ્ટી શ્રી મુકુંદભાઈ નાગ્રેચા તથા સમગ્ર ટ્રસ્ટીમંડળે આ સફળ આયોજન બદલ શાળા પરિવાર, મેન્ટર શિક્ષકો અને વિદ્યાર્થીઓને હાર્દિક અભિનંદન પાઠવ્યા હતા અને આવી સંસ્કાર તથા જાગૃતિ આપતી પ્રવૃત્તિઓ સતત થતી રહે તેવી શુભેચ્છાઓ વ્યક્ત કરી હતી.

https://meet.google.com/call?authuser=0&hl=en&mc=KAIwAZoBFDoScGludG9fNXU5c3Awc2tqOHM3ogE3MgJQADoCEAFKBAgBEAFaAggAagIIAXICCAF6AggCiAEBkgECEAGaAQQYASAAogECEADiAQIIALIBBxgDIAAqATDCAQIgAdgBAQ&origin=https%3A%2F%2Fmail.google.com&iilm=1785069717647