ભાવનગર જિલ્લાની તાલુકા પંચાયતોમાં પ્રમુખ અને ઉપપ્રમુખની ચૂંટણી માટે તા. ૨૩ મે ના રોજ પ્રથમ બેઠક યોજાશે

ભાવનગર જિલ્લાની ભાવનગર, ઘોઘા, તળાજા, મહુવા, શિહોર, ગારીયાધાર, પાલીતાણા, વલ્લભીપુર,
ઉમરાળા, જેસર તાલુકા પંચાયતોના પ્રમુખ / ઉપપ્રમુખની ચૂંટણી માટે જિલ્લા વિકાસ અધિકારીશ્રી ભાવનગર દ્વારા
તા.૨૩/૦૫/૨૦૨૬ ના દિવસે ૧૧-૦૦ કલાકે તમામ તાલુકા પંચાયતની પ્રથમ બેઠક બોલાવવાનું નક્કી કરેલ છે.
આ અંગેની નોટીસ તમામ તાલુકા પંચાયતના સભ્યશ્રીઓને તા.૧૫/૦૫/૨૦૨૬ થી મોકલી અપાયેલ છે.
સભ્યોએ પ્રમુખ / ઉપપ્રમુખની ઉમેદવારી માટે નિયત નમુનાના ફોર્મ જે તે તાલુકા પંચાયત ખાતેથી
મેળવવાના રહેશે અને ફોર્મ પ્રથમ બેઠકના અગાઉના દિવસે એટલે કે તા.૨૨/૦૫/૨૦૨૬ ના સમય ૧૧-૦૦ થી ૧૪-
૦૦ કલાક સુધીમાં ભરીને જે તે તાલુકા વિકાસ અધિકારીશ્રીને પહોંચતા કરવાના રહેશે. ઉમેદવારી પત્રોની ચકાસણી
જિલ્લા વિકાસ અધિકારીશ્રીની કચેરીમાં તા.૨૨/૦૫/૨૦૨૬ ના દિવસે બપોરે ૧૪-૦૦ કલાકે કરવામાં આવશે.