Loading Date... Gold 24K: ₹89,563 | Silver 1kg: ₹105,670 અમરેલી (Amreli): 32°C (સાફ વાતાવરણ (Clear))
WhatsApp Channel: Join our official channel for real-time breaking news updates!
Join WhatsApp Channel
BREAKING NEWS
ભાવનગર જિલ્લામાં યોગાસન સ્પર્ધાનું આયોજન, રાજ્ય યોગ બોર્ડ દ્વારા જિલ્લા, ઝોન અને રાજ્ય કક્ષાએ સ્પર્ધા યોજાશે

એક વિરલ વરિષ્ઠ પત્રકાર બિપીનભાઈ પાંધી અર્થાત પત્રકાર પાંધીસરનું અનોખું સફરનામું: શિક્ષણથી પત્રકારત્વ સુધીની પ્રેરણાદાયી યાત્રા.

એક વિરલ વરિષ્ઠ પત્રકાર બિપીનભાઈ પાંધી અર્થાત પત્રકાર પાંધીસરનું અનોખું સફરનામું: શિક્ષણથી પત્રકારત્વ સુધીની પ્રેરણાદાયી યાત્રા.
Google AdSense In-Article Responsive Ad (Top Content)
AI & Voice Quick Answer (મુખ્ય તારણો) AEO Verified

જન્મભૂમિના સંસ્કારો, પિતાના આશીર્વાદ અને જીવનના અનુભવો જ્યારે લેખિનીમાં ઉતરે છે, ત્યારે એક દીવાદાંડી સમાન પ્રેરણાદાયી વ્યક્તિત્વ બહાર આવે છે.

જન્મભૂમિના સંસ્કારો, પિતાના આશીર્વાદ અને જીવનના અનુભવો જ્યારે લેખિનીમાં ઉતરે છે, ત્યારે એક દીવાદાંડી સમાન પ્રેરણાદાયી વ્યક્તિત્વ બહાર આવે છે. આવા જ એક નિષ્ઠાવાન, નીડર અને પ્રભાવશાળી વરિષ્ઠ પત્રકાર તથા કેળવણીકાર આજે પોતાના જીવનના ૬૮મા વર્ષમાં મંગળ પ્રવેશ કરી રહ્યા છે, ત્યારે તેમના જીવન અને કવન પર એક ખાસ નજર.
​સંસ્કારોની ભૂમિ અને પત્રકારત્વનો પ્રથમ પાઠ
*​માણસના ઘડતરમાં માતા-પિતાના સંસ્કારો અને બાળપણના માહોલનો ખૂબ મોટો ફાળો હોય છે. ચલાલા જેવા પવિત્ર સ્થળે જેમનો જન્મ થયો છે તેવા આ વરિષ્ઠ પત્રકારના પિતા અખબાર (પેપર) વેચવાનો વ્યવસાય કરતા હતા. પિતાના આ વ્યવસાયને કારણે બાળપણથી જ વિવિધ દૈનિક અખબારોના વાચનનો જે શોધ અને અભ્યાસ શરુ થયો, તેણે જ તેમના જીવનની દિશા નક્કી કરી દીધી.* પિતા પાસેથી મળેલી સાદાઈ અને સત્યનિષ્ઠાના સંસ્કારો તેમના જીવનની મૂડી બન્યા.
​સાવરકુંડલાની ધરા પર શિક્ષણ જેવા પવિત્ર વ્યવસાય સાથે જોડાયા બાદ તેમના જીવનમાં જાણે સોનામાં સુગંધ ભળી ગઈ. એક આદર્શ શિક્ષક તરીકે તેમણે અનેક વિદ્યાર્થીઓના જીવનને દીપાવ્યું અને ફરજ નિષ્ઠાની ઉત્તમ મિસાલ બેસાડી. શિક્ષણની સાથે-સાથે તેમની કલમ પણ સક્રિય રહી. ધીમે-ધીમે તેઓ પત્રકાર જગતમાં આગળ વધ્યા અને નિષ્પક્ષતા, નીડરતા તેમજ સાહસ જેવા ગુણોથી પોતાનું આગવું સ્થાન બનાવ્યું.
*​આજના યુગમાં પત્રકારત્વ કરવું એ કોઈ સામાન્ય વાત નથી, તે એક મોટો પડકાર છે. તટસ્થ, નિષ્પક્ષ અને સત્યનિષ્ઠ રહીને સત્ય બહાર લાવવું એટલે જાણે બેધારી તલવાર પર ચાલવા જેવું છે.* પરંતુ, *આ વરિષ્ઠ પત્રકારે હંમેશાં લોકહિતને સર્વોપરી રાખીને કલમ ચલાવી છે. તેમની લેખનશૈલીની મૌલિકતા અને ભાષા પરનું પ્રભુત્વ એટલું અદભુત છે કે વાચક વર્ગને તેમાંથી હંમેશાં કંઈક નવું શીખવા અને પ્રેરણા મળતી રહે છે.*
​શાસ્ત્રો અને વેદો પણ કહે છે કે, "તમારી પાસે જે કંઈ હોય તે વહેંચો, આપવાથી જ્ઞાન અને ગુણોમાં ઉત્તરોત્તર વૃદ્ધિ થશે." તેમણે એક શિક્ષક તરીકે આપેલું જ્ઞાન અને પત્રકાર તરીકે સત્યની પીરસણી આ વાતને સાર્થક કરે છે. તેમણે રઘુવંશી સમાજનું પણ ગૌરવ વધાર્યું છે.
​ત્રિવેણી સંગમ અને જન્મદિવસનો અદ્ભુત સંયોગ
​જોગાનું જોગ આજનો આ પાવન દિવસ એક અદ્ભુત ત્રિવેણી સંગમ સમાન છે:
૧. જલારામ જયંતિ (માનવતા અને સેવાનો પર્વ)
૨. રાષ્ટ્રીય પત્રકાર દિવસ (પત્રકારત્વની ગરિમાનો દિવસ)
૩. આદરણીય પાંધી સરનો જન્મદિન
​જલારામ બાપાના આદર્શોને પોતાના જીવનમાં જીવંત રાખીને માનવસેવા અને સત્યના માર્ગ પર ચાલવું એ જ મનુષ્ય જીવનની સાચી સાર્થકતા છે, અને આ વાત આ વરિષ્ઠ પત્રકારના જીવનમાં સ્પષ્ટ દેખાઈ આવે છે. *સુરતથી હરિભાઈ મોર દ્વારા આ સુંદર સંસ્મરણો અને શુભેચ્છાઓ પાઠવવામાં આવી છે, જે સાવરકુંડલા અને સમગ્ર પત્રકાર જગત માટે ગર્વની વાત છે.
​આપણા સૌના વ્હાલા અને આદરણીય બિપીનભાઈ પાંધી અર્થાત પાંધીસર પત્રકારશ્રીને ૬૮મા વર્ષમાં મંગળ પ્રવેશ પર અસંખ્ય હાર્દિક શુભકામનાઓ! આપની કલમ હંમેશાં નિર્ભય બનીને સમાજને સાચો રાહ ચીંધતી રહે તેવી પ્રાર્થના.
Google AdSense In-Article Mid-Content Ad Slot
Share this story:
Google AdSense Mobile Sticky Bottom Anchor (320x50)