પાલીતાણા – ઉપલેટા રૂટની બસને લગઝરી બસ માંથી એક્સપ્રેસ બસ તરીકે તબદીલ કરવા પ્રા.જે.એમ.તલાવીયાની રજુઆત

અમરેલી : ઉપલેટા ડેપોની, જૂનાગઢ  ડિવિઝનની પાલીતાણા – ઉપલેટા બસ પાલીતાણા થઈને વાયા ગારીયાધાર – મોટા ચારોડીયા – ક્રાકચ – લીલીયા થી સવારે  અમરેલી આવે છે. આ બસમાં આ રૂટના વિદ્યાર્થીઓ અપ – ડાઉન કરતા હતા. જે બસને લગઝરી કરવામાં આવતા મોટા ચારોડીયા અને ક્રાકચ ઉભી રહેતી  નથી, ઉપરાંત વિદ્યાર્થીઓ પાસે આ સમય ગાળામા અન્ય વિકલ્પ પણ નથી તેથી ઘણી મુશ્કેલી થાય છે.

આ બસને ફરી એક્સપ્રેસ બસમાં તબદીલ કરાવવા ઘટતી કાર્યવહી કરવામાં આવે તેવી માંગણી પ્રા.જે.એમ.તલાવીયાએ વિભાગીય નિયામક, અમરેલીને કરી છે. તેમણે આ અંગે પત્રની નકલ વિભાગીય નિયામક, એસ.ટી.ડિવિઝન, જૂનાગઢ અને ડેપો મેનેજર, અમરેલીને મોકલી રજુઆત કરી છે.