કમોસમી વરસાદથી પાકમાં થયેલ નુકશાનનું વળતર ચુકવવાની ભલામણ કરતાં મનીષ ભંડેરી

અમરેલી જીલ્લામાં થયેલ કમોસમી વરસાદથી ખેડુતોને ચણા , જીરૂ , મગફળી , ધાણા , કપાસ , કેરી વગેરે જેવા પાકમાં મોટા પ્રમાણમાં નુકશાની વેઠવાનો વારો આવ્યો છે , જગતના તાત ગણાતા ખેડુતને દિવસ રાત , ટાઢ — તડકો જોયા વગર જંગલી પ્રાણીઓના ભયના ઓથ નીચે તનતોડ મહેનત કરીને કરોડો માણસોના પેટ ભરવાનું કામ કરી રહયા છે ત્યારે કુદરત રૂઠે અને માવઠું થાય તો ખેડુતોને ખુબ જ મોટું નુકશાન ભોગવવું પડે છે.

આવી પરિસ્થિતિમાં સરકાર જ ખેડુતોને માવઠા થી થયેલ નુકશાનીનું વળતર આપીને ખેડુતોને ખોટના ખાડા માંથી બહાર લાવવાનું કામ કરવાનું હોય છે , જો આપની સરકાર ખેડૂતો પ્રત્યે સંવેદનશીલ હોય તો અમરેલી જીલ્લામાં માવઠા થી થયેલ ખેડુતોના પાક નુકશાનીનો તત્કાલ સર્વે કરી વળતર ચુકવવાની મુખ્યમંત્રીને ભલામણ કરતાં અમરેલી તાલુકા કોંગ્રેસ પ્રમુખ મનીષ ભંડેરી.