સાવરકુંડલા તાલુકાના બ્રાન્ચ શાળા નં.૦૯, કેરાળા પ્રા. શાળા, સાકરપરા પ્રા.શાળાના  મધ્યાહન ભોજન કેન્દ્રોમાં સંચાલકની આવશ્યકતા

સાવરકુંડલા તાલુકાના વિવિધ મધ્યાહન ભોજન કેન્દ્રો માટે સંચાલકોની આવશ્યકતા છે. આ જગ્યા માટેનાં અરજીપત્રકો તા.૨૦ નવેમ્બર, ૨૦૨૩ સુધીમાં સાવરકુંડલા તાલુકા મામલતદાર કચેરી ખાતે કચેરી કામગીરી સમય દરમિયા મેળવી અને અરજી તા. ૨૨ નવેમ્બર, ૨૦૨૩ સુધીમાં કચેરી સમય દરમિયાન રજિસ્ટ્રી શાખા ખાતે પહોંચાડવી. ખાલી જગ્યાઓમાં પ્રથમ પ્રયત્ન અંતર્ગત બ્રાંચ શાળા નં.૦૯ સાવરકુંડલા, કેન્દ્ર નં.૧૦ (પ્રથમ પાળી), બીજા પ્રયત્ન અંતર્ગત કેરાળા પ્રાથમિક શાળા, કેન્દ્ર નંબર ૨૫, પ્રથમ પ્રયત્ન અંતર્ગત સાકરપરા પ્રાથમિક શાળા, કેન્દ્ર નંબર ૯૫ માટે મધ્યાહન ભોજન કેન્દ્ર સંચાલકોની આવશ્યકતાઓ છે. 

         ઓછામાં ઓછી ધો.૧૦ પાસની શૈક્ષણિક લાયકાત ધરાવતા અને જો ગામમાં આ લાયકાત ધરાવનાર ઉમેદવારો ન મળે તો ધો.૦૭ પાસની શૈક્ષણિક લાયકાત ધરાવનાર, જાહેરનામાની તારીખે ઓછામાં ઓછી ૨૦ થી ૬૦ વર્ષની વચ્ચે ઉંમર ધરાવનારા ઉમેદવારોએ આધાર પુરાવા સાથે જરુરી વિગતો ભરીને અરજી પત્રક સાવરકુંડલા તાલુકા  મામલતદાર કચેરી ખાતે રજૂ કરવા. આ મધ્યાહન ભોજન કેન્દ્રમાં સંચાલકની આવશ્યકતા માટેની અરજી ઉમેદવારોની લાયકાત, ઉંમર  સરકારના ઠરાવવામાં આવેલા ધોરણો અનુસાર હશે તેમને રુબરુ બોલાવવામાં આવશે. આ જગ્યાઓ માટે સરકાર દ્વારા નિયત માનદ વેતન આપવામાં આવશે. અરજી કરવાનું નિયત નમૂના પત્રક સાવરકુંડલા તાલુકા મામલતદાર કચેરી ખાતેથી જાહેર રજાના દિવસો સિવાય કચેરી સમય દરમિયાન મળશે.  આ નિમણુક અનાજ દળવાની ઘંટી ચલાવતા વ્યક્તિને, વકીલાતના વ્યવસાય સાથે જોડાયેલા વ્યક્તિને, શાકભાજી, મરી મસાલા, જલાઉ લાકડાનો વ્યાપાર કરતા, અન્ય ધંધાથી વેપાર કરતી કે સસ્તા અનાજની દુકાન ચલાવતી અરજદારો દ્વારા અરજી આપી શકાશે નહીં.  તેમ સાવરકુંડલા તાલુકા મામલતદારશ્રીએ એક યાદીમાં જણાવ્યું છે.