સાવરકુંડલા તાલુકાના વંડા ગામે આવેલ શ્રીપી.પી.એસ.હાઇસ્કૂલ-વંડામાં યોજાય સંસ્કૃત ગૌરવ પરીક્ષા. 

સંસ્કૃતભારતી ગુજરાત દ્વારા ‘संस्कृतगौरवपरीक्षा’ પ્રકલ્પ ચાલી રહ્યો છે. તેમાં વિવિધ પરીક્ષાઓનું આયોજન પ્રતિવર્ષ થાય છે. સંસ્કૃતિ પ્રેમીઓને જણાવતાં ખૂબ જ આનંદ થાય છે કે આ અંતર્ગત તા.૯ ડીસેમ્બરના રોજ શ્રી પી.પી.એસ.હાઇસ્કૂલ-વંડામાં સમગ્ર સમાજ માટે ખુલ્લા મૂકાયેલ આ પ્રકલ્પને સાર્થક કરવા શાળાના સંસ્કૃત શિક્ષીકા શ્રી નીતાબેન ભટ્ટ તેમજ શ્રી જગજીવનભાઇ ગજેરા દ્વારા સંસ્કૃત ગૌરવ પરીક્ષા લેવામાં આવી હતી. જેમાં ૧૫૦ વિધાર્થી ભાઇ બહેનોએ ઉત્સાહ પુર્વક ભાગ લીધો હતો. સંસ્કૃત ગૌરવ પરીક્ષાના માધ્યમથી બાલ્યકાળથી સંસ્કૃત પરિચય,સામાન્યજન સંસ્કૃતાભિમુખ થાય, સંસ્કૃત પ્રત્યે પ્રેમ થાય,આના થકી ભવિષ્ય પ્રતિ ચિંતન,ભેદભાવ દૂર કરી સાંસ્કૃતિક પુનરૂત્થાન, સંસ્કૃત ફરીથી વ્યવહારભાષા બને, સંસ્કૃતભાષાથી સમૃદ્ધિનું આગમન, સંસ્કૃતભાષાની સરળતા તથા મધુરતાનો પરિચય થાય છે. પરીક્ષા દરમ્યાન શાળાના મે.ટ્ર્સ્ટી શ્રીમનજીબાપા તળાવિયા તેમજ આચાર્ય શ્રી સંજયભાઇ ચૌહાણ ઉપસ્થિત રહ્યા હતા તેઓએ વિધાર્થીઓને શુભકામનાઓ પાઠવી હતી એમ દીપકભાઈ ઝડફિયાની એક યાદીમાં જણાવાયું હતું.