ડિજિટલ ઇન્ડિયામાં ૭/૧૨ માટે ખેડૂત થયા હેરાન-પરેશાન -તાલુકા કોંગ્રેસ પ્રમુખ મનીષ ભંડેરી

ભાજપના રાજમાં ડિજિટલ ઇન્ડિયાના બણગા ફૂકવામાં આવે છે પરંતુ વાસ્તવિકતા કંઈક જુદી છે, છેલ્લા ૧૦ દિવસથી ખેડૂતો ૭/૧૨ તથા ૮-અ ઓનલાઇન કઢાવવા માટે ધક્કા ખાઈ રહ્યા છે પરંતુ સર્વર ઠપ્પ હોવાથી ૭/૧૨ અને ૮-અ નીકળતા નથી, જેને લીધે ખેડૂતો મુશ્કેલીમાં મુકાઈ ગયા છે, ખેડૂતોને ખેતીવાડીમાં નવું વીજ કનેક્શન તથા સરકારી યોજનાઓનો લાભ લેવા માટે ફરજિયાત ૭/૧૨ તથા ૮-અ ની જરૂરિયાત રહે છે, જો સમયસર ૭/૧૨ અને ૮-અ ખેડૂતોને ઓનલાઇન ન મળે તો ખેડૂતો સરકારી યોજનાઓનો લાભ લઈ શકતા નથી. ભાજપ સરકાર એક બાજુ ડિજિટલ ઇન્ડિયાના બણગા ફૂંકે છે અને બીજી બાજુ ખેડૂતો ૭/૧૨ અને ૮-અ માટે છેલ્લા ૧૦ દિવસથી ધક્કા ખાઈ રહ્યા હોવાથી તાલુકા કોંગ્રેસ પ્રમુખ મનીષ ભંડેરીએ ગુજરાતની ભાજપ સરકાર સામે પોતાનો આક્રોશ વ્યકત કર્યો છે.