શિક્ષણ સંસ્કાર સેવા શિસ્ત અને ચારિત્ર્ય ઘડતરના ધામ સમા શ્રી સ્વામિનારાયણ ગુરુકુલ સાવરકુંડલા દ્વારા ફ્રી નેત્રનિદાન કેમ્પ યોજાયો.

સાવરકુંડલા શહેરમાં શિક્ષણ, સંસ્કાર, શિસ્ત સેવા અને ચારિત્ર્ય ઘડતરના ધામ સમા શ્રી સ્વામીનારાયણ ગુરુકુળ સાવરકુંડલા દ્વારા મોતિયાના દર્દથી પીડાતા દર્દઓને ધ્યાનમાં રાખી તા- ૫-૧-૨૪ના રોજ શાસ્ત્રી સ્વામી જ્ઞાનપ્રસાદદાસજીની પાવન સ્મૃતિમાં ૩૨૩માં નેત્રકેમ્પનું આયોજન કરવામાં આવ્યું હતુ જેમાં વિરનગર હોસ્પિટલના સુપર સ્પેશ્યાલીસ્ટ ડોકટરો દ્વારા ૧૪૫ જેટલા મોતિયાના દર્દીઓની તપાસ કરવામાં આવી, જેમાંથી કુલ ૨૦  જેટલા દર્દીઓને મોતિયાના ઓપરેશનની જરૂર હોય એમને સંસ્થા દ્વારા વિનામૂલ્યે ઓપરેશન તેમજ સારવાર આપવામાં આવી હતી અને જે દર્દીઓને ચશ્મા અને દવાઓની જરૂર હતી એમને સંસ્થા દ્વારા વિનામૂલ્યે ચશ્મા તેમજ દવાઓ પૂરી પાડવામાં આવી હતી  આ નેત્રકેમ્પના યજમાનપદે – નરેન્દ્રભાઈ પોપટલાલ મહેતા – મહેતા બ્રધર્સ – અમદાવાદવાળા રહ્યા હતા