ઈશ્વરીયા-ગીરીયા રોડ બાબતે થતી સમસ્યાનો ઉકેલ આવશેસમય મર્યાદામાં રોડની કામગીરી પૂર્ણ કરવાની નેમ : વિધાનસભા નાયબ મુખ્ય દંડક કૌશિકભાઈ વેકરિયા
![](https://citywatchnews.com/wp-content/uploads/2024/01/ISHVARIYA-GIRIYA-KHATMUHRAT-02-1140x620.jpeg)
સમગ્ર ગુજરાતમાં વિકાસકાર્યો વેગવંતા છે. જિલ્લામાં રસ્તાના વિકાસ કાર્યો શરુ થઇ શકે તે માટે કાર્યવાહી શરુ છે. ગુજરાત વિધાનસભા નાયબ મુખ્ય દંડકશ્રી અને અમરેલી-કુંકાવાવ-વડીયાના ધારાસભ્યશ્રી કૌશિકભાઈ વેકરિયાની ઉપસ્થિતિમાં અમરેલી તાલુકાના ઈશ્વરીયા-ગીરીયા રોડના ખાતમુર્હૂતનો કાર્યક્રમ સંપન્ન થયો હતો.ઈશ્વરીયા ખાતે રોડના ખાતમુર્હૂત પ્રસંગે વિધાનસભાના નાયબ મુખ્ય દંડકશ્રી કૌશિકભાઈ વેકરિયાએ ગ્રામજનો સાથે સંવાદ કર્યો હતો. આ રોડની કામગીરી ઝડપથી પૂર્ણ કરવાની નેમ હોવાનું શ્રી વેકરિયા એ જણાવ્યુ હતુ. જિલ્લા પંચાયત માર્ગ અને મકાન અંતર્ગત આશરે રુ.૧.૨૫ કરોડ રકમના અનુદાનમાંથી ઈશ્વરીયા-ગીરીયા રોડ બનાવવામાં આવશે.
ઈશ્વરીયા-ગીરીયા રોડના ખાતમુર્હૂત પ્રસંગે વિધાનસભા નાયબ મુખ્ય દંડકશ્રી કૌશિકભાઈ વેકરિયાએ જણાવ્યુ કે, જિલ્લામાં રસ્તાના કામો ઝડપથી આગળ ધપી રહ્યા છે. ઈશ્વરીયા-ગીરીયા રોડના ખાતમુર્હૂતના પ્રસંગે સ્થાનિક આગેવાનશ્રીઓ, સરપંચશ્રી, તલાટી મંત્રીશ્રી અને સહિતના ગ્રામજનો ઉપસ્થિત રહ્યા હતા.
Recent Comments