ભાવનગર જિલ્લામાં કોવિડ વેકસીનેશનના બીજા તબક્કામાં જિલ્લાના ૪,૭૦૦ થી વધુ ફ્રન્ટલાઈન વર્કર્સ જોડાયા

કલેકટર, આઈ.જી., ડી.ડી.ઓ., એસ.પી. સહિતના ઉચ્ચ અધિકારીઓ પણ વેકસીન લઈ રસીકરણ અભિયાનનો હિસ્સો બન્યા

કોવિડ વેકસીન કોઈપણ આડઅસર વિનાની સુરક્ષિત વેકસીન છે,જિલ્લાના તમામ નાગરિકો આ વેકસીન લઈ સુરક્ષિત બને – જિલ્લા કલેક્ટર

ભાવનગર જિલ્લામાં કોવિડ વેકસીનેશનના બીજા તબક્કાનો જિલ્લાવ્યાપી પ્રારંભ
થયેલ છે.જેમાં ભાવનગર શહેરી વિસ્તારમાં 1,000 પોલીસ કર્મચારીઓ તેમજ નગરપાલિકા તથા ગ્રામીણવિસ્તારોમાં 3700 થી વધુ કોવિડ ફ્રન્ટલાઈન વર્કર્સ કોવિડ વેકસીનેશન લેવાં જોડાયાં હતા.જેમાં જિલ્લાનાભાવનગર તાલુકામાં 935, ઘોઘા ખાતે 81, તળાજા ખાતે 530, મહુવા ખાતે 465, જેસર ખાતે 18,પાલીતાણા ખાતે 603, ગારીયાધાર ખાતે 359, વલ્લભીપુર ખાતે 255, ઉમરાળા ખાતે 141 તેમજ સિહોરખાતે 354 સહિત કુલ 3741 મહેસુલ વિભાગ, પોલીસ, પંચાયત વિભાગ સહિતના વિભાગોના ફ્રન્ટ લાઈનવર્કર્સે કોવિડ વેકસીન માટે રજિસ્ટ્રેશન કરાવ્યું હતું.ભાવનગરની સ્વામી વિવેકાનંદ હોમિયોપેથીક કોલેજ ખાતે આજે જિલ્લા કલેકટર શ્રી ગૌરાંગ મકવાણા,રેન્જઆઈ.જી. શ્રી અશોકકુમાર યાદવ, જિલ્લા વિકાસ અધિકારી શ્રી વરૂણકુમાર બરનવાલ, જિલ્લા પોલીસઅધિક્ષકશ્રી જયપાલસિંહ રાઠોર, જિલ્લા જેલ અધિક્ષકશ્રી મકવાણા, હોમગાર્ડ કમાન્ડન્ટશ્રી શંભુસિંહ સહિતનાઅધિકારીશ્રીઓએ વેકસીન લીધી હતી.જ્યારે જિલ્લાના તમામ નાયબ પોલીસ અધિક્ષકશ્રી, પ્રાંત અધિકારીશ્રીતથા મામલતદારશ્રી સહિતના ઉચ્ચ અધિકારીઓ પણ લગત વિસ્તારોમાં કોવિડ વેકસીન લઈ રસીકરણઅભિયાનમાં જોડાયાં હતા.કોવિડ વેકસીન લીધાં બાદ જિલ્લા કલેકટર શ્રી ગૌરાંગ મકવાણાએ જણાવ્યું હતું કે વેકસીનેશનના બીજાતબકકામાં આજે મારા સહિત જિલ્લાના તમામ ઉચ્ચ અધિકારીઓએ આ વેકસીન લીધી છે. આ કોવિડવેકસીન કોઈપણ પ્રકારની આડઅસર વિનાની એકદમ સુરક્ષિત વેકસીન છે.આજે 4700 જેટલા ફ્રન્ટલાઈનવર્કર્સને આ વેકસીન આપવા માટેનું જિલ્લાવ્યાપી આયોજન હાથ ધરાયુ છે.જેમાં તબક્કાવાર મહેસુલ તથાપંચાયતના કર્મીઓને પણ આવરી લેવામાં આવશે.તેમ જણાવી જિલ્લાના તમામ નાગરિકોને પણ જ્યારેતેમનો ક્રમ આવે ત્યારે અચૂક આ કોવિડ વેકસીન લેવા જિલ્લા કલેકટરશ્રીએ અનુરોધ કર્યો હતો.