ભાવનગરમાં મત ગણતરી કેન્દ્રની મુલાકાત લેતા જિલ્લા કલેકટર ડી.કે.પારેખ

ભાવનગરમાં વિધાનસભા સામાન્ય ચુંટણી ૨૦૨૨ નાં મત ગણતરી કેન્દ્રની જિલ્લા ચૂંટણી અધિકારીશ્રી અને જિલ્લા કલેક્ટરશ્રી ડી. કે. પારેખે મુલાકાત લીધી હતી. આ મુલાકાત દરમિયાન કલેક્ટરશ્રીએ દરેક વિધાનસભા દીઠ સ્ટ્રોંગ રૂમ, મત ગણતરી કેન્દ્ર, મીડિયા સેન્ટર વગેરે સવલતો તથા ભૌતિક સગવડતા અંગેની જાણકારી મેળવી જરૂરી સૂચનો કર્યા હતા.  આ મુલાકાતમાં પોલીસ અધિક્ષકશ્રી ડો. રવિન્દ્ર પટેલ, નાયબ જિલ્લા ચૂંટણી અધિકારીશ્રી એસ. એન. કટારા, ભાવનગરના પ્રાંત અધિકારીશ્રી એચ.એમ ઝણકાટ, સ્થાનિક રીટનિંગ ઓફિસરો, જી.ઈ.સી. સ્ટાફ તથા સ્થાનિક ચૂંટણીના અધિકારીઓ ઉપસ્થિત રહ્યા હતા.