તળાજા તાલુકાના ઘાટરવાળા ગામ ખાતે પીવાના પાણીની પાઇપલાઇન નું લોકાર્પણ કરવામાં આવ્યું

તળાજા તાલુકાના ઘાટરવાળા ગામ ખાતે પીવાના પાણીની પાઇપલાઇન નું લોકાર્પણ કરવામાં આવ્યું હતું. ઠળિયા થી ઘાટરવાળા આવેલી આ પાઇપલાઇનના ઉદ્ઘાટન કાર્યક્રમ તળાજા વિસ્તારના ધારાસભ્ય ગૌતમભાઈ ચૌહાણ તેમજ જિલ્લા પંચાયતના દંડક મંગાભાઈ બાબરીયા, વિનુભાઈ બિલ્ડર, પ્રતાપભાઈ મોભ, જોરસંગભાઈ પરમાર, રાણાભાઇ સોલંકી સહિત ભાજપના પદાધિકારીઓ , ગામજનો ની હાજરીમાં આ કાર્યક્રમ યોજાયો હતો.  સાથો સાથ ઘાટરવાળા ગામની પ્રાથમિક શાળા ખાતે નવા બનેલા શેડનું પણ લોકાર્પણ કરવામાં આવ્યું હતું. કાર્યક્રમની આભાર વિધિ ચાપરાજભાઈ મોભે કરી હતી.