ગારીયાધારમા અઢી કિલોમીટર લાંબી તિરંગા યાત્રા યોજાઇ

હર ઘર તિરંગા અભિયાન અન્વયે લોકોમાં રાષ્ટ્રભાવના ઉજાગર થાય અને તિરંગા સાથેની આત્મીયતા વધુ સુદ્રઢ બનાવવાના હેતુથી ભાવનગરના ગારીયાધાર ખાતે હર ઘર તિરંગા યાત્રા દ્વારા યોજાઈ હતી. હર ઘર તિરંગા અભિયાન અન્વયે સમગ્ર દેશમાં તિરંગા યાત્રાઓનું આયોજન કરવામાં આવી રહ્યું છે. ત્યારે ગારિયાધારમાં તિરંગા યાત્રામાં સ્થાનિકોએ અનેરો જુસ્સો બતાવ્યો હતો. અંદાજિત ૩ હજાર લોકોએ આ તિરંગા યાત્રામાં જોડાઈ ગર્વભેર રાષ્ટ્રધ્વજ લહેરાવી રાષ્ટ્રભાવના ઉજાગર કરી હતી. આ તકે નાયબ જિલ્લા વિકાસ અધિકારી શ્રી રણજીતસિંહ કટારીયા, મામલતદાર શ્રી આર. એન. કુંભાણી, ચીફ ઓફિસર શ્રી કે. જે. પટેલ, આગેવાન શ્રી કેશુભાઈ નાકરાણી સહિત પોલીસ સ્ટાફ, જી.આઇ.ડી. જવાનો તેમજ નગરપાલિકાના સભ્યો સહિત શહેરના આગેવાનો ઉપસ્થિત રહ્યા હતા.