તમિળ સુપરસ્ટાર સૂર્યા શિવકુમાર થયો કોરોના સંક્રમિત

તમિળ ફિલ્મ ઈન્ડસ્ટ્રીના સુપરસ્ટાર સૂર્યા શિવકુમારનો કોવિડ ૧૯નો ટેસ્ટ પોઝિટિવ આવ્યો છે. આ વાતની માહિતી ‘સૂર્યા સિંઘમ’ સ્ટાર સૂર્યાએ સોશિયલ મીડિયામાં પોસ્ટ શૅર કરીને આપી હતી. સૂર્યાએ કહ્યું હતું કે કોરોના પોઝિટિવ આવ્યા બાદ તેની સારવાર ચાલી રહી છે.
સૂર્યાએ સો.મીડિયામાં શૅર કરેલી પોસ્ટમાં કહ્યું હતું, ‘હું કોરોનાગ્રસ્ત થઈ ગયો છું અને મારી સારવાર ચાલે છે. જાેકે, હવે મને સારું છું. આપણે બધા એમ માનીએ છીએ કે જીવન હજી સુધી સાવ સામાન્ય થયું નથી. ડરને કારણે આપણે ઘરે બેસી શકીએ તેમ નથી. આપણે સુરક્ષા તથા સાવચેતી રાખવાની જરૂર છે. મારી સાથે રહેલા તમામ ડૉક્ટર્સ તથા મેડિકલ સ્ટાફને મારો પ્રેમ તથા ધન્યવાદ.

ફિલ્મમેકર રાજશેખર પાંડિયને સો.મીડિયામાં પોસ્ટ શૅર કરીને કહ્યું હતું, ‘પ્રિય ભાઈઓ તથા બહેનો. અન્ના ઠીક છે અને ચિંતાની કોઈ જ વાત નથી.’ સૂર્યાના ચાહકો પોતાના ફેવરિટ એક્ટર માટે પ્રાર્થના કરી રહ્યાં છે. વર્કફ્રન્ટની વાત કરીએ તો સૂર્યાએ હાલમાં જ મણિરત્નમની ફિલ્મ ‘નવરસ’નું શૂટિંગ પૂરું કર્યું છે. આ ફિલ્મને ગૌતમ મેનને ડિરેક્ટ કરી છે. આ પહેલાં સૂર્યા ‘સોરારઈ પોટરૂ’માં જાેવા મળ્યો હતો.