અનિતા હસનંદાની અને રોહિત રેડ્ડીના ઘરે દીકરાની કિલકારી ગુંજી

ટીવી અભિનેત્રી અનિતા હસનંદાની અને રોહિત રેડ્ડીના ઘરે કિલકારી ગુંજી છે. અનિતાએ છોકરાને જન્મ આપ્યો છે. આ સમાચાર તેના પતિ રોહિતે તેના ઇન્સ્ટાગ્રામ એકાઉન્ટ પર શેર કર્યા છે. પોતાનો અને અનિતાનો ફોટો શેર કરતી વખતે રોહિતે કેપ્શન લખ્યું, છોકરો થયો છે. રોહિતે આ પોસ્ટ શેર કર્યા પછી અભિનંદનનું મોજુ ફરી વળ્યું છે. અનિતાએ તેની પ્રેગનન્સીના સમાચાર ઓક્ટોબર ૨૦૨૦માં ચાહકો સાથે શેર કર્યા હતા.

અનિતાએ એક વીડિયો શેર કર્યો હતો અને કહ્યું હતું કે તે માતા બનવાની છે. ત્યારે પહેલી વાર અનિતાએ બેબી બમ્પ સાથે ફોટો શેર કર્યો હતો. આ પછી, અનિતાએ તેની ગર્ભાવસ્થાનું આખું જર્નલ તેના ચાહકો સાથે સોશિયલ મીડિયા પર શેર કર્યું હતું. થોડા દિવસો પહેલા અનિતાએ તેની ગર્ભાવસ્થા વિશે કહ્યું હતું કે હું મારા ત્રિમાસિકમાં છું. ડિલીવરીની તારીખ ટૂંક સમયમાં આવી રહી છે. હું ખૂબ ઉત્સાહિત, નર્વસ અને તાણમાં પણ છું. આ ક્ષણે ઘણી બધી સંમિશ્રિત ભાવનાઓ મારી અંદર આવી રહી છે. જીવનના આ નવા તબક્કા માટે ઉત્સાહિત અને તૈયાર છે. હું આતુરતાથી બેબીના આગમનની રાહ જાેઈ રહી છું.

અનિતાએ ૨૦૧૩માં બિઝનેસ મેન રોહિત રેડ્ડી સાથે લગ્ન કર્યાં હતાં. અનિતાએ ઘણી ફિલ્મો અને ટીવી શોમાં કામ કર્યું છે. એકતા કપૂરના શો ‘નાગિન’માં તેની ભૂમિકા ફેન્સને ખૂબ પસંદ આવી હતી. અનિતાની ફિલ્મી કરિયર કંઈ ખાસ નહોતી, પરંતુ તે ટીવી ઇન્ડસ્ટ્રીમાં પોતાની છાપ છોડવામાં સફળ રહી છે. અનિતા મોહબ્બતેન, કાવ્યાંજલિ, ક્યોંકિ સાસ ભી કભી બહુ થી અને કસમ જેવા ટીવી શોનો ભાગ રહી ચૂકી છે.