સાઉથ સ્ટાર કમલ હાસને નવાઝુદ્દીન સિદ્દકીના વખાણ કર્યા

કોઈપણ ગોડફાધર વગર નવાઝુદ્દીન સિદ્દકીએ લાંબા સ્ટ્રગલ પિરિયડ બાદ ઈન્ડસ્ટ્રીમાં પોતાનું અનોખું સ્થાન હાસિલ કર્યું છે. સિનેમા સ્ક્રીન હોય કે વેબ સિરીઝ નવાઝ હંમેશા તેમની અનોખી અદાકારીથી લોકોને મનોરંજિત કરતા રહ્યા છે અને આજે દરેક ડિરેક્ટર્સ અને પ્રોડ્યુસર્સ તેમની સાથે કામ કરવા માટે ઉત્સુક છે. નવાઝના ફેનમાં હવે સાઉથ ઈન્ડિયન સુપર સ્ટારનો પણ ઉમેરો થયો છે. ફિલ્મ ‘વિક્રમ હિટલિસ્ટ’ થી વર્ષો બાદ બ્લોક બસ્ટર હિટ ફિલ્મ આપનાર કમલ હાસને નવાઝુદ્દીન સિદ્દકીના વખાણ કર્યા છે. એક ટેલિવિઝન શો દરમિયાન પીઢ અભિનેતા કમલ હાસને કહ્યું હતું કે, દિલીપ કુમારથી લઈને નવાઝુદ્દીન સિદ્દકી સુધી બધા જ મહાન એક્ટર્સ ઈન્ડસ્ટ્રીમાં છે.

મારી પણ ઈચ્છા હતી કે, હું પણ તેવું કામ ફિલ્મોમાં કરી શકતો. પોતાના વખાણ સાંભળીને નવાઝે રીપ્લાય આપતા કહ્યું હતું કે, મારા ફેવેરેટ એક્ટર તરફથી આવા શબ્દો સાંભળીને હું ખુશ છું, મારા કામ માટે આ સૌથી મોટી અને મહત્વની સરાહના છે ‘વિક્રમ હિટલિસ્ટ’ ની સફળતાએ અનેક રેકોર્ડ સર્જ્‌યા છે અને આ વિશે અગાઉ કમલ હાસને કહ્યું હતું કે, લોકોના પ્રેમ બદલ આભાર. આટલી મોટી સફળતાની મને આશા નહોતી. બોક્સ ઓફિસ પર મળેલા કલેક્શનના કારણે હું મારુ બધું જ દેવું ભરી શકીશ અને પરિવાર માટે મોટું ઘર ખરીદી શકીશ.