રામચરણ માટે સ્ક્રિપ્ટ લખવા હોલિવૂડ રાઈટર ઉત્સુક

બાહુબલિ બાદ રાજામૌલિની ફિલ્મ આરઆરઆર બ્લોકબસ્ટર બની છે. આરઆરઆરને ઈન્ટરનેશનલ ઓડિયન્સે પણ ભરપૂર પ્રેમ આપ્યો છે. બાહુબલિ બાદ પ્રભાસને બોલિવૂડના મોટા બેનર ફિલ્મો ઓફર કરી રહ્યા છે, જ્યારે હવે આરઆરઆરની સક્સેસ રામચરણ માટે નવી દિશા ખોલે તેવી શક્યતા છે. ફિલ્મ જાેયા બાદ હોલિવૂડના ફેમસ સ્ક્રિન રાઈટર રામચરણના ફેન બની ગયા છે અને રામચરણ માટે સ્ક્રિપ્ટ લખવા પોતે ઉત્સુક હોવાનું હારુન સ્ટુઅર્ટે જણાવ્યું છે. હારુન સ્ટુઅર્ટ અહનો અગાઉ હોરર ફિલ્મ મેંડી દે બનાવી ચૂક્યા છે. આ ફિલ્મમાં હારુને નિકોલસ કેજ સાથે કામ કર્યું હતું.

તેમણે સોશિયલ મીડિયા પર રામચરણના ભરપૂર વખાણ કર્યા છે. હારુને ટિ્‌વટમાં જણાવ્યું હતું કે, રામચરણ જેવા સ્ટાર માટે ફિલ્મ લખવાની ઈચ્છા છે. તેમના જેવા સ્ટાર સાથે કામ કરવા અને સિનેમેટિક પ્રેઝન્સને જાેવા માટે ફિલ્મ લખવી છે. તેઓ ઈન્ટરનેશનલ પ્રોડક્શન સાથે કામ કરે તો લીડ રોલ જ હોવો જાેઈએ. હોલિવૂડ સામાન્ય રીતે આવું કરતું નથી. હું વધારે શાનદાર ઈન્ડિયન ફિલ્મો જાેવા ઈચ્છું છું. રામચરણ અને હારુન વચ્ચે હોલિવૂડ પ્રોજેક્ટ માટે કોઈ વાતચીત થઈ છે કે કેમ તે કહેવું અઘરું છે. રામચરણ હાલ આરસી ૧૫માં બિઝી છે. કિયાર અડવાણી સાથે ફિલ્મનું શૂટિંગ ચાલી રહ્યું છે.