‘ટાઈગર ૩’નો સીન લીક થયો, સલમાન ખાનની ફિલ્મના વિડીયોમાં જાેવા મળ્યો ઈમરાન હાશ્મી

આજના આ ડિજિટલ અને સોશિયલ મીડિયાના જમાનામાં આગામી અપકમિંગ મૂવીના સીન અને ફોટો સોશિયલ મીડિયા પર વાયુવેગે વાયરલ થવા સામાન્ય વાત થઈ ગઈ છે. તાજેતરમાં જ ગદર-૨ના સેટ પરથી સની દેઓલના એક પાવરફુલ સીનનો વિડીયો સામે આવ્યો હતો. હવે સલમાન ખાનની ટાઈગર ૩ના સેટ પરથી એક વિડીયો વાયરલ થયો છે. જાે કે આ પહેલા પણ દબંગ ખાનના લુકની તસવીરો વાયરલ થઈ ચૂકી છે, જેને જાેઈને ફેન્સની ઉત્તેજના વધી ગઈ હતી, પરંતુ હવે વાયરલ વિડીયો જાેયા બાદ સલમાન ખાનના ફેન્સ ફિલ્મની રિલીઝની આતુરતાથી રાહ જાેઈ રહ્યા છે.

સોશિયલ મીડિયા પર વાયરલ થયેલા વિડીયોમાં સલમાન ખાન નહીં, પરંતુ ફિલ્મ ટાઈગર ૩માં તેનો કો-સ્ટાર ઈમરાન હાશ્મી નજરે ચડ્યો છે. ટાઇગર ૩ના સેટ પરથી વાયરલ થયેલા આ કથિત વિડીયોમાં ચોતરફ ધુમાડો જાેવા મળી રહ્યો છે, જેના કારણે ચાહકો અનુમાન લગાવી રહ્યા છે કે આ એક એક્શન સીન છે. તે જ સમયે ચાહકો આ વિડીયોમાં ઈમરાન હાશ્મીના વખાણ કરતા જાેવા મળે છે. સાથે જ તેઓ સલમાનની એક્શન ફિલ્મ જાેવા માટે બેતાબ દેખાઈ રહ્યા છે. અગાઉ સલમાન ખાનની અન્ડર-પ્રોડક્શન ફિલ્મ ટાઈગર ૩ના સેટ પરથી તેનો નવો લૂક ઇન્ટરનેટ પર સામે આવ્યો હતો.

આ તસવીરો રશિયામાં ફિલ્મના સેટની છે, જ્યાં સલમાન ખાન અને કેટરિના કૈફ શૂટિંગ માટે ગયા હતા. તે જ સમયે તેના લુકને ઓળખવો ખૂબ મુશ્કેલ હતો. સલમાન ગ્રેશ બ્રાઉન દાઢી, લાંબા વાળ, લાલ બેન્ડ, સફેદ ટી, વાદળી જીન્સ અને લાલ જેકેટમાં જાેવા મળ્યો હતો. આ તસવીરોમાં સલમાન ખાનનો ભત્રીજાે નિર્વાન પણ ટાઈગર ૩ના સેટ પર તેની બાજુમાં ઉભો જાેઈ શકાય છે.

ટાઇગર ૩એ કબીર ખાનની ટાઇગર ફિલ્મ સીરિઝનો ત્રીજાે ભાગ છે. પહેલો ભાગ – એક થા ટાઈગર – ૨૦૧૨માં રિલીઝ થયો હતો, જ્યારે ટાઈગર ઝિંદા હૈ ૨૦૧૭માં થિયેટરોમાં હિટ થયો હતો. ત્રીજા ભાગમાં પણ સલમાન ખાને સ્પેશિયલ એજન્ટ અવિનાશ સિંહ રાઠોડના રોલને રિપ્રાઇઝ કર્યો છે, જ્યારે કેટરીના કૈફે ફરીથી ઝોયા હુમાનીની ભૂમિકા ભજવી હતી. તે જ સમયે ઇમરાન હાશ્મી પણ આ ફિલ્મમાં મહત્વપૂર્ણ ભૂમિકામાં જાેવા મળશે. આ પહેલા આ ફિલ્મને લઈને એક વિડીયો પણ રિલીઝ કરવામાં આવ્યો છે. આમ હવે સલમાનના ચાહકો ભાઈજાનની વધુ એક એક્શન થ્રીલર માટે આતુરતાથી રાહ જાેઇને બેઠાં છે.