‘બ્લડી ડેડી’ જૂન મહિનામાં ઓટીટી પ્લેટફોર્મ પર રિલીઝ થશે

શાહિદ કપૂરની આગામી ફિલ્મ ‘બ્લડી ડેડી’ જૂન મહિનામાં ઓટીટી પ્લેટફોર્મ પર રિલીઝ થવાની છે. આ ફિલ્મમાં શાહિદ કપૂરનો એક્શન પેક્ડ રોલ છે. ફિલ્મનું ટ્રેલર તાજેતરમાં લોન્ચ થયું હતું. તેમાં શાહિદનો લોહીલુહાણ ચહેરો જાેઈને આ ફિલ્મ મારધાડથી ભરપૂર હોવાનું મનાય છે. આ ફિલ્મ માટે શાહિદે રૂ.૪૦ કરોડની ફી વસૂલી હોવાનું કહેવાય છે. શાહિદે પોતે ફીનો આંકડો જણાવ્યો નથી, પરંતુ ૪૦ કરોડની રકમને નકારી પણ નથી. શાહિદ કપૂરની વેબ સિરીઝ ‘ફર્ઝી’ના ખૂબ વખાણ થયા હતા અને તેના કારણે શાહિદની ડીમાન્ડ પણ વધી છે. આ સિરીઝ બાદ શાહિદે પોતાની ફી વધારી દીધી હોવાનું કહેવાય છે. ટ્રેલર લોન્ચમાં શાહિદની સાથે ડાયરેક્ટર અલી અબ્બાસ ઝફર પણ હાજર હતા. શાહિદ કપૂરને આ પ્રસંગે ફી અંગે સવાલ પૂછવામાં આવ્યો ત્યારે તેમમે કહ્યું હતું કે, તમે મને આટલી ફી આપશો તો હું તમારી ફિલ્મ પણ કરીશ. ત્યારબાદ ઝફરે મજાકમાં કહ્યું હતું કે, તમે આંકડો ઓછો બોલ્યા છે. ઓટીટી પ્લેટફોર્મ પર ડીલ માટે ફિલ્મનું બજેટ વધારવામાં આવ્યું હોવાના સવાલનો પણ શાહિદે ગોળ-ગોળ જવાબ આપ્યો હતો અને મેથેમેટિક્સમાં નહીં ઘૂસવા કહ્યું હતું. શાહિદ કપૂરની ફિલ્મ ‘બ્લડી ડેડી’ જિયો સિનેમા પર ૯ જૂને રિલીઝ થવાની છે. જિયો પર કન્ટેન્ટને ફ્રીમાં જાેઈ શકાય છે.