‘બડે મિયા છોટે મિયા’ ફિલ્મમાં માનુષી હેકરની ભૂમિકામાં..

ગયા વર્ષે અક્ષયકુમાર અને ટાઇગર શ્રોફ અભિનીત બડે મિયા છોટે મિયાની જાહેરાત થઈ છે ત્યારથી અલી અબ્બાસ ઝફર દિગ્દર્શિત આ ફિલ્મે ઘણી ચર્ચા જગાવી છે. ગયા મહિને નિર્માતાઓએ ફિલ્મમાં અક્ષય અને ટાઇગરનો લુક પણ રિલીઝ કર્યો હતો અને ફિલ્મને ૨૦૨૪માં ઇદનાં દિવસે રિલીઝ કરવાની પણ જાહેરાત કરી હતી. હવે આ ફિલ્મ અંગે વધુ એક સમાચાર જાણવા મળ્યા છે. ફિલ્મની અભિનેત્રી માનુષી છિલ્લરની ભૂમિકા અંગે કેટલીક વિગતો જાણવા મળી છે. સૂત્રોનાં જણાવ્યા પ્રમાણે ફિલ્મમાં માનુષી હેકરની ભૂમિકા ભજવી રહી છે અને ફિલ્મમાં તેનાં પાત્રનાં રસપ્રદ વળાંકો દર્શાવવામાં આવ્યા છે. દરમિયાન, કેટલાંક સોંગ સિક્વન્સને બાદ કરતાં કલાકારોએ શૂટિંગ પૂર્ણ કરી દીધું છે. ગીતોને આગામી દિવસોમાં શૂટ કરવામાં આવશે. અક્ષય કુમાર સાથે માનુષીની આ બીજી ફિલ્મ છે. અગાઉ, તેમણે વર્ષ ૨૦૨૨માં રિલીઝ થયેલી હિસ્ટોરિકલ એક્શન ડ્રામા સમ્રાટ પૃથ્વીરાજમાં સાથે કામ કર્યું હતું, જેનું દિગ્દર્શન ચંદ્રપ્રકાશ દ્વિવેદીએ કર્યું હતું. દરમિયાન, ટાઇગર શ્રોફે અક્ષયકુમાર સાથે કામ કરવાની ખુશી સોશિયલ મિડીયા પર વ્યક્ત કરી હતી. તેણે જ્યારે બડે મિયા છોટે મિયાનું શૂટિંગ શરૂ કર્યું હતું ત્યારે ટાઇગરે ઇન્સ્ટાગ્રામ પર ખિલાડી કુમાર સાથેની તસવીર શેર કરી હતી અને તેનાં કેપ્શનમાં લખ્યું હતું, બડે, “તમે જે વર્ષે બોલીવુડમાં પ્રવેશ કર્યો તે વર્ષે ભલે મારો જન્મ થયો હોય પણ મને ખાતરી છે કે તમે મારા કરતાં વધુ ઊંચી કિક અને જમ્પ લગાવી શકો છો.” અન્ય એક ઇન્સ્ટાગ્રામ પોસ્ટમાં ટાઇગરે લખ્યું હતું, “અને સૌથી મોટી એક્શન ફિલ્મોમાંની એક ફિલ્મની જર્ની આજથી શરૂ થાય છે. તમારી સાથે સવારી કરવાની અને ગુંડાઓને મારવાની મજા આવી. તમારી નજીકનાં સિનેમાઘરોમાં પ્રકાશની ઝડપથી આવી રહ્યો છું.”