‘સાલાર’નું ટ્રેલર રિલીઝ, એક હાઈ-ઓક્ટેન એક્શન થ્રિલર ફિલ્મ છે સાલાર

દર્શકો સાઉથના સુપરસ્ટાર પ્રભાસની ફિલ્મ ‘સાલાર’ની આતુરતાથી રાહ જાેઈ રહ્યા છે. ચાહકો ફિલ્મ સાથે જાેડાયેલી નાની નાની માહિતીની રાહ જાેઈ રહ્યા છે. દર્શકોનો ઉત્સાહ વધારવા માટે ફિલ્મનું દમદાર ટ્રેલર પણ રિલીઝ કરવામાં આવ્યું છે, જેમાં પ્રભાસનો ડેશિંગ અવતાર જાેવા મળ્યો હતો. અગાઉ ટીઝરમાં સંકેત આપવામાં આવ્યો હતો કે આ ફિલ્મ એક હાઈ-ઓક્ટેન એક્શન થ્રિલર હશે. તેની ઝલક ટ્રેલરમાં પણ જાેઈ શકાય છે.

ટ્રેલરમાં પ્રભાસ એક્શન સિક્વન્સ કરતો જાેવા મળી રહ્યો છે.. ‘સાલારઃ પાર્ટ ૧ – સીઝફાયર’ના નિર્માતાઓએ પ્રભાસની આગામી બિગ બજેટ ફિલ્મનું બહુપ્રતિક્ષિત ટ્રેલર રિલીઝ કર્યું છે. ફિલ્મની ભવ્ય રજૂઆતને ત્રણ અઠવાડિયાથી પણ ઓછો સમય બાકી છે. ‘આદિપુરુષ’ પછી, પ્રભાસ ‘સાલાર’ સાથે પાછો ફર્યો છે, જે બે મિત્રો વિશે છે જે એકબીજાના સૌથી ખરાબ દુશ્મન બની જાય છે. ટ્રેલરમાં પૃથ્વીરાજ સુકુમારનનો ખતરનાક અવતાર જાેવા મળે છે, જે દુશ્મનો સાથે લડે છે.. એક સમયે તેને તેના મિત્ર દેવાની જરૂર પડે છે, જે પછી પ્રભાસ પ્રવેશ કરે છે.

સો લોકોની ભીડનો સામનો કરવા માટે એકલો પ્રભાસ પૂરતો છે. ટ્રેલરમાં પ્રભાસ એક પછી એક દુશ્મનોને ખતમ કરતા જાેવા મળે છે. તે જ સમયે, ટ્રેલરમાં જગપતિ બાબુની ઝલક પણ જાેવા મળી હતી. ટ્રેલરના અંતમાં પ્રભાસ અને પૃથ્વીરાજ સુકુમારનની લોહીથી લથબથ ઝલક બતાવવામાં આવી છે. ટ્રેલર જાેયા પછી ચાહકો કહે છે કે તેમાં ‘દ્ભય્હ્લ’ની ઝલક છે. પ્રભાસે વિવિધ ભાષાઓમાં પૃથ્વીરાજ સુકુમારન સ્ટારર ફિલ્મનું નવું પોસ્ટર પણ શેર કર્યું છે.. ‘સલાર’ પ્રભાસ અને પ્રશાંત નીલ વચ્ચેનો પ્રથમ સહયોગ પણ દર્શાવે છે અને તે નિર્દેશકનો પ્રથમ તેલુગુ પ્રોજેક્ટ હશે. આ ફિલ્મમાં પૃથ્વીરાજ સુકુમારન, જગપતિ બાબુ, શ્રુતિ હાસન, ટીનુ આનંદ, બ્રહ્માજી, ઈશ્વરી રાવ અને અન્ય ઘણા લોકો મુખ્ય ભૂમિકામાં છે. ફિલ્મનું સંગીત રવિ બસરૂરે આપ્યું છે. આ ફિલ્મ તેલુગુ, કન્નડ, તમિલ, મલયાલમ, હિન્દી અને અંગ્રેજી સહિત અનેક ભાષાઓમાં રિલીઝ થશે. ‘સલાર’ ૨૨મી ડિસેમ્બરે સિલ્વર સ્ક્રીન પર રિલીઝ થવાની તૈયારીમાં છે.