લાઈવ કોન્સર્ટમાં પર્ફોર્મન્સની વચ્ચે આદિત્ય નારાયણે એવી હરકતો કરી કે વિડીયો વાઈરલ

બોલિવૂડ સિંગર ઉદિત નારાયણના પુત્ર આદિત્ય નારાયણ હંમેશા કોઈને કોઈ કારણસર ચર્ચામાં રહે છે. આ વખતે આદિત્ય વિવાદોમાં ફસાયા છે. આદિત્ય નારાયણ સ્ટેજ પરફોર્મન્સ આપી રહ્યા હતા. તેમને સાંભળવા માટે લોકોનું મોટું ટોળું આવ્યું હતું, જેમાં મોટાભાગના યુવાનો હતા. પર્ફોર્મન્સની વચ્ચે આદિત્ય નારાયણ એવી હરકતો કરી બેસે છે જેને કારણે તેનો વીડિયો સોશિયલ મીડિયા પર વાયરલ થઈ જાય છે. એક યુઝરે ઠ પર એક વીડિયો શેર કર્યો છે. આ વીડિયોમાં જાેઈ શકાય છે કે આદિત્ય નારાયણ પોતાના સ્ટેજ પરફોર્મન્સમાં કેટલા વ્યસ્ત છે. લોકો પણ તેની સિંગિંગને માણી રહ્યા છે. પછી એવું થાય છે કે તેની નજર ભીડની સામે ઉભેલા એક ફેન પર પડે છે.

અન્યોની જેમ તે પણ આદિત્યને ફોન આપીને સેલ્ફી પાડવા માટે વિંનતી કરે છે. પરંતુ પછી આદિત્ય તેનો ફોન છીનવી લે છે અને તેને ભીડમાં ક્યાંક ફેંકી દે છે. આ વીડિયો પર લોકો તરફથી ઘણી પ્રતિક્રિયાઓ આવી રહી છે. ઘણા ફેન્સ આના પર પ્રતિક્રિયા આપી રહ્યા છે અને આદિત્યના વખાણ કરી રહ્યા છે. એક યુઝર આના પર લખ્યું – તેનો બહિષ્કાર કરવો જાેઈએ. અન્ય એક યુઝરે લખ્યું કે- આદિત્ય નારાયણ નકામો છે.

અન્ય એક વ્યક્તિએ લખ્યું- પિતાના પૈસાનો અહંકાર. તમને જણાવી દઈએ કે આદિત્ય નારાયણનું વિવાદો સાથે કનેક્શન નવું નથી. ઘણા પ્રસંગોએ જાેવામાં આવ્યું છે કે તે પોતાનો ગુસ્સો ગુમાવી બેસે છે . થોડા સમય પહેલા ઈન્ડિયન આઈડોલ શો હોસ્ટ કરતી વખતે દિગ્ગજ ગાયક કિશોર કુમારના પુત્ર અમિત કુમાર સાથે તેની દલીલ થઈ હતી. આ દરમિયાન પણ લોકોએ અમિતનો પક્ષ લીધો અને આદિત્યને ટ્રોલ કર્યો હતો. આ પહેલા તે એરપોર્ટ પર અધિકારીઓ સાથે અભદ્ર ભાષામાં વાત કરતો જાેવા મળ્યો હતો. તેનો વીડિયો પણ સોશિયલ મીડિયા પર વાયરલ થયો હતો.