દુબઈમાં ફિલ્મ ‘યોદ્ધા’નું પોસ્ટર લોન્ચ કરાયુંઆઈલેન્ડની ઉપરથી ૧૩ હજાર ફૂટની ઊંચાઈએ ફિલ્મ ‘યોદ્ધા’નું પોસ્ટરને લોન્ચ કરાયું

સિદ્ધાર્થ મલહોત્રાની આગામી ફિલ્મ યોદ્ધાનું પોસ્ટર ૧૩ હજાર ફૂટની ઊંચાઈથી લોન્ચ કરવામાં આવ્યુ હતું. ફિલ્મના મેકર્સે સોશિયલ મીડિયા પર ટીઝર શેર કરી આ અંગે માહિતી આપી હતી. તેમાં દુબઈના પામ આઈલેન્ડની ઉપરથી ફિલ્મના પોસ્ટરને લોન્ચ કરતાં સ્કાય ડાઈવર્સ જાેવા મળે છે. કરણ જાેહરના પ્રોડક્શન હાઉસ દ્વારા ‘યોદ્ધા’નું નિર્માણ થયું છે. તેમાં સિદ્ધાર્થ મલહોત્રાની સાથે દિશા પટાણી અને રાશિ ખન્ના મહત્ત્વના રોલમાં છે. સામાન્ય રીતે રોમેન્ટિક ફિલ્મો બનાવનારા કરણ જાેહરે આ વખતે એક્શન પર હાથ અજમાવ્યો છે.

કરણ જાેહરની જેમ સિદ્ધાર્થ પણ રોમેન્ટિક ફિલ્મો માટે જાણીતો છે. રોહિત શેટ્ટીની વેબ સિરીઝ ઈન્ડિયન પોલીસ ફોર્સમાં સિદ્ધાર્થે એક્શન રોલ કર્યો હતો. દુબઈમાં ૧૩,૦૦૦ ફૂટ ઊંચાઈથી પોસ્ટર લોન્ચ કરવા બાબતે સિદ્ધાર્થે જણાવ્યું હતું કે, આ ફિલ્મ ખૂબ રોમાંચક અને દિલધડક છે. પોસ્ટર લોન્ચની ઈવેન્ટથી તેની શરૂઆત થઈ છે. આગામી સમયમાં વધુ આશ્ચર્યજનક એક્શન જાેવા મળશે. સિદ્ધાર્થની આ ફિલ્મ ૧૫ માર્ચે રિલીઝ થઈ રહી છે.