શિલ્પા શિંદે ‘ખતરો કે ખિલાડી’ ની આગામી સીઝનનો ભાગ બની શકે

રોહિત શેટ્ટી છેલ્લા ૯ સીઝનથી ‘ખતરો કે ખિલાડી’ સાથે જાેડાયેલો છે. હોસ્ટ તરીકે આ તેની ૧૦મી સિઝન હશે. તેમની ટીમ અને ચેનલ આ ખાસ સિઝન માટે કેટલાક નવા ટિ્‌વસ્ટ પર કામ કરી રહી છે. આ જ કારણ છે કે ‘ખતરો કે ખિલાડી ૧૪’નું શૂટિંગ દક્ષિણ આફ્રિકાના બદલે જ્યોર્જિયામાં થવા જઈ રહ્યું છે. આ શોમાં ભાગ લેવા માટે સ્પર્ધકોની પસંદગી હવે લગભગ પૂર્ણ થઈ ગઈ છે. છેલ્લા કેટલાક દિવસોથી સોશિયલ મીડિયા પર આ સમાચાર વાયરલ થઈ રહ્યા છે કે મુનાવર ફારૂકી આ શોનો ભાગ નહીં બને.

મુનાવરની જગ્યાએ ‘બિગ બોસ સીઝન ૧૧’ની વિજેતા શિલ્પા શિંદેના શોનો ભાગ બની શકે છે. હકીકતમાં, આ પહેલા પણ મુનાવરને ‘ખતરો કે ખિલાડી ૧૨’ ઓફર કરવામાં આવી હતી. ચેનલે ‘લોક અપ’ વિજેતા સાથે કરાર પણ કર્યો હતો,પરંતુ વિઝામાં મુશ્કેલીના કારણે તેણે આ શોમાંથી ખસી જવું પડ્યું હતું. આ જ કારણ છે કે મુનાવરે બે મહિના પહેલા શોમાં ભાગ લેવાની ના પાડી દીધી હતી. તાજેતરમાં કલર્સ ટીવીએ ‘ભાભી જી ઘર પર’ની અસલ ‘અંગૂરી ભાભી’ એટલે કે શિલ્પા શિંદેને ‘ખતરો કે ખિલાડી સીઝન ૧૪’નો ભાગ બનવા માટે સંપર્ક કર્યો છે. શિલ્પા પણ આ શોમાં જાેડાવા આતુર છે.

જાે બધું બરાબર રહ્યું તો શિલ્પા રોહિત શેટ્ટીના શોનો ભાગ બની શકે છે. અત્યાર સુધી કલર્સ ટીવીના એડવેન્ચર રિયાલિટી શો ‘ખતરોં કે ખિલાડી’ની ૧૪મી સીઝનમાં ભાગ લેનારા સેલિબ્રિટીની યાદીમાં નિમ્રિત કૌર અહલુવાલિયા, હેલી શાહ, અભિષેક કુમાર, મન્નારા ચોપરા, અભિષેક મલ્હાન, શોએબ ઈબ્રાહિમ, મનીષા જેવા ઘણા મોટા નામ સામેલ છે. રાની અને વિવેકના નામ સામેલ કરવામાં આવ્યા છે. એવું કહેવામાં આવી રહ્યું છે કે સ્પર્ધકો સાથે કરાર પર હસ્તાક્ષર કર્યા પછી કલર્સ ટીવી આ શોમાં જાેવા મળેલા તમામ સ્પર્ધકોના નામની લિસ્ટ તેમની સોશિયલ મીડિયા સાઇટ પર ઓફિશિયલ રીતે શેર કરશે.