વાઈબ્રન્ટમાં પ્રવેશ માટે વેક્સિનના બંને ડોઝ ફરજિયાત
![](https://citywatchnews.com/wp-content/uploads/2021/12/download-1-17.jpg)
વાઇબ્રન્ટ સમિટમાં કેન્દ્ર સરકારની કોવિડ ગાઇડલાઇનના ચુસ્ત પાલન માટે પણ સૂચના આપવામાં આવી છે. ફેસ માસ્ક ફરજિયાત રાખવાની સાથે બે મીટરના સોશિયલ ડિસ્ટન્સનો અમલ પણ વાઇબ્રન્ટ સમિટ દરમિયાન કરવાનો રહેશે. જેને કારણે મહાત્મા મંદિરની ક્ષમતા ૫ હજારની છે તે જાેતા ઘણા ઓછા લોકોને બોલાવાય તેવી શક્યતા છે. સેમિનાર હોલમાં પણ લિમિટેડ લોકોની હાજરી રખાશે. એકતરફ વાઇબ્રન્ટ સમિટમાં ઓછી સંખ્યામાં લોકોને ઉપસ્થિત રાખવાની કવાયત ચાલી છે બીજી તરફ વાઇબ્રન્ટમાં ભાગ લેવા માટે રજિસ્ટ્રેશનની સંખ્યા વધતી જાય છે.
હાલની સ્થિતિએ ૯૩૯૩ લોકોએ વ્યક્તિગત અને ૫૮૨૬ કંપનીઓએ રજિસ્ટ્રેશન કરાવ્યું છે. પાર્ટનર કન્ટ્રીમાં પણ વધારો થઇને ૨૧ જેટલા દેશો વાઇબ્રન્ટ સમિટના પાર્ટનર કન્ટ્રી તરીકે જાેડાયા છે. જેમાં એટ રિસ્ક દેશો પણ સામેલ હોવાથી સરકારે રસીકરણ અને અન્ય ગાઇડલાઇનના ચુસ્ત અમલ માટે સૂચનાઓ આપી છે.ઓમિક્રોનના ભય વચ્ચે ગાંધીનગરના મહાત્મા મંદિર ખાતે ૧૦થી ૧૨ જાન્યુઆરી દરમિયાન યોજાનાર વાઇબ્રન્ટ ગુજરાત ગ્લોબલ ઇન્વેસ્ટર્સ સમિટમાં એન્ટ્રી માટે સંપૂર્ણ વેક્સિનેશન એટલે કે કોરોના રસીના બંને ડોઝ ફરજિયાત બનાવાયા છે. સમિટમાં ભાગ લેનાર દરેકને આ સૂચના ગુજરાત સરકાર તરફથી આપવામાં આવી રહી છે.
Recent Comments