બોટાદમાં ભાભણ રોડ પણ રહેણાંક અને કોમર્શિયલ બાંધકામના દબાણ પર બુલડોઝર ફરી વળ્યું

બોટાદ નગરપાલિકા અવાર નવાર નગરપાલિકા હદ વિસ્તારમાં આવતા ગેરકાયદેસર દબાણને લઈ મૌખિક તેમજ લેખિતમાં સૂચના આપવામાં આવતી હોય છે અને સ્વૈચ્છિક દબાણ દૂર કરવા જાણ કરવામાં આવતી હોય છે. પણ રહીશો દબાણ જાતે દૂર નહિ કરતા તંત્ર દ્વારા કામગીરી હાથ ધરવામાં આવે છે. બોટાદ નગરપાલિકા હદ વિસ્તારમાં આવતા ભાભણ રોડ પણ રહેણાંકી મકાન હોય કે દુકાનો હોય તેમની આગળ ગેરકાયદેસર રીતે માટી નાખી તેમજ ઓટલા બનાવી જાહેર જગ્યા પર પોતાનો કબજાે હોય તેવું સાબિત કરતા હોય છે. જેની સામે બોટાદ નગરપાલિકા દ્વારા લાલ આંખ કરતા નગરપાલિકાએ જી.સી.બી. દ્વારા માટી નાખી દબાણ દૂર કરવાની કામગીરી હાથ ધરવામાં આવેલી છે. જે કામગીરીના કારણે રોડની પહોળાઈ વધુ થઈ જશે. જેના કારણે પાર્કિગ તેમજ વાહન ચાલકોને રાહત મળશે.