અમદાવાદમાં એક છોકરી માટે બે મિત્રો બાખડી પડ્યાએક મિત્રએ બીજા પર લોખંડના પાવડાથી જાેરદાર હુમલો કર્યો : ફરિયાદ

અમદાવાદના ગોતા વિસ્તારમાં રહેતો અંકિત ત્રિવેદી નામનો એક યુવક ગુજરાત હાઈકોર્ટમાં ડીવાયએસઓ તરીકે નોકરી છે. તેનો મિત્ર પરેશ પટેલ પણ ડીવાયએસઓ તરીકે હાઈકોર્ટમાં ફરજ બજાવે છે. અંકિત એક વર્ષ પહેલા નિયતિ નામની એક યુવતી સાથે સંપર્કમાં આવ્યો હતો. બંને વચ્ચે અવારનવાર ચર્ચા અને વાતચીત થઈ. જેથી બંને એકબીજાને પસંદ કરવા લાગ્યા હતા. તેથી તેઓએ લગ્ન કરવાનું નક્કી કર્યું. બંનેએ આ વાત પરિવારને કહી તો બંનેના પરિવારજનોએ લગ્ન માટે ના પાડી દીધી. જાેકે, બંને વચ્ચે સંપર્ક કપાયો ન હતો.

પરિવારની મંજૂરી ન હોવા છતાં બંને એકબીજા સાથે વાત કરતા હતા. આખરે બંનેની સગાઈ માટે પરિવાર માની ગયો હતો. જેથી અંકિતે તેના મિત્ર પરેશને કહ્યું કે, મારી અને નિયતિની સગાઈ નક્કી થઈ ગઈ છે. ત્યા પરેશે કહ્યું કે, મારે પણ નિયતિ સાથે સંબંધ છે, તો તુ તેની સાથે કેવી રીતે સગાઈ કરી શકે. આ બાદ મામલો વણસ્યો હતો. બંને યુવકોએ એક યુવતીને પામવા માટે ઝગડો કર્યો. જે બાદ બંને યુવકો એકબીજા સાથે બોલતા ન હતા. પરંતું એક દિવસે અંકિત પર પરેશનો ફોન આવ્યો હતો, અને તેણે મળવા બોલાવ્યો હતો. ત્યારે પરેશે અંકિત પર લોખંડના પાવડાથી જાેરદાર હુમલો કર્યો હતો. આ હુમલાથી અંકિત બેભાન થયો હતો, અને લોહીલુહાણ થઈ ગયો હતો. તો પરેશ ત્યાંથી ભાગી ગયો હતો. જેથી અંકિતે પરેશ વિરુદ્ધ પોલીસ સ્ટેશનમાં હત્યાના પ્રયાસની ફરિયાદ નોંધાવી છે.