૨ ઓક્ટોબરના બદલે પીએમ મોદી ૨૭ સપ્ટેમ્બરે ગુજરાતની મુલાકાતે
![](https://citywatchnews.com/wp-content/uploads/2023/09/File-02-Page-15-10-1140x620.jpg)
પીએમ નરેન્દ્ર મોદીના ગુજરાત પ્રવાસના કાર્યક્રમમાં ફેરફાર કરવામાં આવ્યો છે. ૨ ઓક્ટોબરના બદલે પીએમ મોદી ૨૭ સપ્ટેમ્બરે ગુજરાતની મુલાકાત લેશે. મહિલા અનામત બિલ પસાર થયા બાદ તેમની આ પ્રથમ ગુજરાત મુલાકાત હોવાથી ભાજપ દ્વારા તેમના સ્વાગત માટે ભવ્ય આયોજન કર્યું છે. પીએમ મોદીના સ્વાગત માટે એરપોર્ટ પર મહિલા સંમેલન યોજવામાં આવશે.
આ સંમેલનમાં ૧૦ હજારથી વધુ મહિલાઓ સામેલ થાય તેવી કવાયત હાથ ધરાશે. આ પ્રસંગે મહિલાઓ પીએમ મોદીનું ભવ્ય સ્વાગત કરશે. કાર્યક્રમના આયોજનને લઈ અમદાવાદ ભાજપમાં બેઠકોનો ધમધમાટ શરૂ થઈ ગયો છે. અમદાવાદના કાર્યક્રમ બાદ પીએમ મોદી બોડેલી જશે. જ્યાં શિક્ષણ વિભાગના ૫ હજાર કરોડના વિકાસકાર્યોનું લોકાર્પણ કરશે.
Recent Comments