જ્વેલર્સની દુકાનમાં ચોરી કરતી ગેંગને સુરત પોલીસે મહારાષ્ટ્રના માલેગાંવથી પકડી પાડી

રાજ્ય સાથે દેશના અનેક શહેરોમાં જ્વેલર્સની દુકાનમાં ચોરી કરતી ગેંગને સુરત પોલીસે પકડી પાડી છે. સુરતના મહિધરપુરાના જ્વેલર્સમાં થયેલી ચોરીનો ભેદ ઉકેલાતાં આ સમગ્ર ઘટના બહાર આવી છે. જ્વેલર્સમાં બેથી ત્રણ મહિલાઓ સોનાની ચેઈનની ખરીદી કરવા આવી અને વેપારીને વાતોમાં પરોવીને ૯ સોનાના ચેઈન સેરવી લીધી હતી. ચોરી બાદ પોલીસે ઝ્રઝ્ર્‌ફને આધારે તપાસ કરી, તો આ ગેંગ મહારાષ્ટ્રના માલેગાંવથી ઝડપાઈ છે. હાલ તો પોલીસે એક પુરુષ અને એક મહિલાને પકડ્યા છે. જાે કે, ગેંગમાં ૩ મહિલા અને એક પુરુષ સામેલ છે. પોલીસે માલેગાંવથી આ ગેંગ પકડીને પૂછપરછ હાથ ધરી હતી. જેમાં ખુલાસો થયો છે કે, દેશમાં અલગ અલગ શહેરોને તે ટાર્ગેટ કરતા હતા. ગુજરાતની સાથે રાજ્ય બહાર પણ આ ગેંગે અસંખ્ય ચોરીની ઘટનાને અંજામ આપ્યો છે.