ગુજરાત હાઈકોર્ટમાં મહિલાએ નિયમિત શારીરિક સંબંધોના અધિકાર માટે અપીલ કરી

શારીરિક સંબંધોના અધિકાર અંગેનો એક મામલો ગુજરાત હાઈકોર્ટમાં પહોંચ્યો. કામના કારણે પતિથી દૂર રહેતી એક મહિલાએ હાઈકોર્ટનો સંપર્ક કર્યો છે. અરજીમાં, તેણીએ પૂછ્યું હતું કે શું તેણીના પતિને મહિનામાં બે સપ્તાહના અંતે મળવાથી તેણીની વૈવાહિક જવાબદારીઓ પૂર્ણ થાય છે કે નહીં. હકીકતમાં, આ પહેલા તેના પતિએ તેની પત્ની વિરુદ્ધ નિયમિત શારીરિક સંબંધોના અધિકાર માટે સુરતની ફેમિલી કોર્ટમાં હિન્દુ મેરેજ એક્ટની કલમ ૯ હેઠળ કેસ દાખલ કર્યો હતો અને કોર્ટમાં તેની પત્નીને આવવા અને રહેવાની મંજૂરી આપવા માટે અપીલ કરી હતી.

પતિએ પોતાની અરજીમાં કહ્યું હતું કે તેની પત્ની દરરોજ તેની સાથે રહેતી નથી. પુત્રનો જન્મ થયો ત્યારથી તે નોકરીના કારણે માતા-પિતા સાથે રહે છે. તેણે કહ્યું હતું કે તેની પત્ની મહિનાના બીજા અને ચોથા અઠવાડિયામાં જ તેની મુલાકાત લે છે અને બાકીનો સમય તે તેના માતાપિતા સાથે રહે છે. પતિએ એવી પણ ફરિયાદ કરી હતી કે તેની પત્નીએ પુત્રના સ્વાસ્થ્યની અવગણના કરીને નોકરી ચાલુ રાખી અને પતિને વૈવાહિક અધિકારોથી વંચિત રાખ્યો છે..

જવાબમાં, પત્નીએ સિવિલ પ્રોસિજર કોડના નિયમ ૭ ઓર્ડર ૧૧ હેઠળ ફેમિલી કોર્ટમાં અરજી દાખલ કરી અને પતિનો કેસ ચલાવવા યોગ્ય ન હોવાનું કહીને પતિના કેસને રદ કરવા કોર્ટને વિનંતી કરી હતી. તેણીએ કહ્યું કે તે દર મહિને બે સપ્તાહ માટે નિયમિતપણે ઘરે જાય છે, અને પતિ દાવો કરે છે કે પત્નીએ તેણે છોડી દીધી છે. જાે કે, ૨૫ સપ્ટેમ્બરના રોજ, ફેમિલી કોર્ટે પત્નીના વાંધાને નકારી કાઢ્યો અને કહ્યું કે કરવામાં આવેલા દાવાઓને સંપૂર્ણ સુનાવણીની જરૂર પડશે અને આ મુદ્દાનો ર્નિણય પ્રી ટ્રાયલના તબક્કે ર્નિણય લઈ શકાય નહીં. હાઈકોર્ટેમાં મહિલા વતી દલીલ કરી હતી કે હિંદુ મેરેજ એક્ટની કલમ ૯ કહે છે કે જાે કોઈ વ્યક્તિ તેના પતિ કે પત્નીથી અલગ હોય તો જ તેને વૈવાહિક જવાબદારીઓ પૂરી કરવા માટે નિર્દેશિત કરી શકાય છે.

આ કિસ્સામાં, પત્ની દર બીજા સપ્તાહમાં તેના પતિના ઘરે જાય છે અને પતિ દાવો કરી શકતો નથી કે તે તેનાથી અલગ થઈ ગઈ છે. જસ્ટિસ વીડી નાણાવટીએ પૂછ્યું, જાે પતિ તેની પત્નીને તેની સાથે રહેવા માટે કહે તો ખોટું શું છે? શું તેને દાવો કરવાનો અધિકાર નથી? ન્યાયાધીશે કહ્યું કે આ મુદ્દા પર વિચાર કરવાની જરૂર છે. આ સાથે કોર્ટે પતિને ૨૫ જાન્યુઆરી સુધીમાં જવાબ આપવા કહ્યું છે.