તાંબાના વાસણમાં પાણી પીવાથી વજન ઘટાડવાથી લઈને વધતી ઉંમગરને અટકાવે છે, ફાયદા જાણી આંખો ફાટી જશે…

આયુર્વેદ માટે તાંબુ એક અત્યંત મહત્વપૂર્ણ ધાતુ છે. આવુ એટલા માટે છે કે હજારો વર્ષો સુધી ભારત અને અન્ય એશિયાઈ દેશમાં તાંબાના મોટા વાસણોમાં પાણી એકત્ર કરાતું હતું. પણ બદલાતી જતી લાઈફસ્ટાઈલના કારણે આ વસ્તુ ભુલાઈ રહી છે. જેના કારણે આપણે ઘણી બિમારીઓનો સામનો પણ કરી રહ્યાં છે. 

કહેવાય છે કે તાંબાના વાસણમાં પાણીનો સંગ્રહ કરવાથી પાણી કુદરતી રીતે શુદ્ધ થાય છે.માનવ શરીરમાં પાણી 70 ટકા ભાવ ભજવે છે. આપણા પૂર્વજો પણ તાંબાના વાસણમાં જ પાણી ભરતા અને તેમાંથી જ પાણી પીતા હતા. પણ આજે આ ક્રેઝ ધીમે ધીમે ઓછો થઈ રહ્યો છે. 

તાંબામાં પાણી રાખવાથી પાણીમાં રહેલા હાનિકારક સૂક્ષ્મજીવો, મોલ્ડ, ફૂગ, શેવાળ અને બેક્ટેરિયાનો નાશ થાય છે. આ સાથે જ પાણીને એકદમ ચોખ્ખુ રાખે છે. લોકો ગરમીમાં પણ ઠંડકનો અનુભવ કરવા માટે તાંબાના નાના વાસણોમાં પાણી પીતા હતા. તાંબાના વાસણમાં પાણી પીવાના પણ અનેક ફાયદા છે. આવો જાણીએ તેના ફાયદા વિશે…

પાચનતંત્ર
તાંબામાં એવા ગુણધર્મો છે જે હાનિકારક બેક્ટેરિયાને મારી નાખે છે અને પેટની અંદરની બળતરા દુર કરે છે. આ સાથે ગેસ એસિટીડી, અપચો જેવી સમસ્યા પણ દુર થાય છે. એમ કહીએ કે તે પેટને ડિટોક્સ કરવામાં મદદ કરે છે.

વજન ઘટે
પાચન તંત્રને સુધારવા ઉપરાંત, તાંબુ તમારા શરીરમાંથી ચરબીને દૂર કરવામાં પણ મદદ કરે છે. ઝડપથી વજન ઘટાડવા માટે તાંબાના વાસણમાં રાખેલ પાણી નિયમિત પીવું જોઈએ.

વધતી ઉંમર અટકાવે
તાંબુ આના માટે કુદરતી ઉપાય છે.  એન્ટી-ઓક્સીડેન્ટ અને કોષ બનાવવાના ગુણોથી ભરપૂર તાંબાનું પાણી તમારા માટે વરદાન સાબિત થઈ શકે છે. જો તમે તમારા ચહેરા પર ઝીણી કરચલીઓને જોઈને પરેશાન છો. તો આ સૌથી બેસ્ટ ઓપ્શન છે.

બેક્ટેરિયાથી બચાવે 
સૌથી સારા લાભમાં એક તાંબાના વાસણના તત્વો ખાસ કરીને બેક્ટેરિયાને નષ્ટ કરવાની ક્ષમતા ધરાવે છે. હકીકતમાં તાંબુ ઈ.કોલી અને એસ. ઓરિયસ (બે પ્રકારના બેક્ટેરિયા પેટના દુખાવા અને આંતરડામાં ખેંચનું કારણ બની શકે છે)થી લડવા માટે શ્રેષ્ઠ છે.