શું તમે સવારે ઉઠીને સીધી જ ચા પીવો છો? મહેરબાની કરીને આવું ન કરતા, નહીં તો….

ચા એટલે દિવસની શરૂઆત, મિત્રો સાથે ગપ્પા મારીને ટાઈમ પાસ કરવાની મજા એટલે ચા પીવી. આમ ચા પીવાની આદત મોટાભાગના લોકોને હોય છે. ચાનો નશો જ કંઈક અલગ હોય છે. ઘણા લોકોને દિવસમાં એક કરતા વધુ કપ ચા પીવાની આદત હોય છે. પણશું તમે જાણો છો કે સવારમાં ઉઠતા વેત જ ચા પીવાની આદત તમને મુશ્કેલીમાં મુકી શકે છે. 

ઘણા લોકોને સવારે ઉઠતી વખતે ખાલી પેટ ચા પીવી હોય છે. જે આખા દિવસ માટે પૂરતી હોય છે. પણ આદત તમને મુશ્કેલીમાં ધકેલી શકે છે. ખાલી પેટે ચા પીવાથી તમારૂ પાચન તંત્ર પણ બગડશે. આ સાથે જ તમને અન્ય ઘણી પણ સમસ્યા થઈ શકે છે.

વધારે વખત પેશાબ આવવો
સવારે ભુખ્યા પેટે ચા પીવાથી પૈશાબ વધુ આવવાની સમસ્યા રહે છે. ચામાં ડાઈયુરેટિક તત્વ હોય છે. જે મૂત્રનિર્માણની પ્રક્રિયાને ઝડપી બનાવે છે. 

ડિહાઈડ્રેશન
ભુખ્યા પેટે ચા પીવાથી શરીરમાં પાણીની અછત અને ડિહાઈડ્રેશનની સમસ્યા પણ થઇ શકે છે.

થાક લાગવું
સવારે ખાલી પેટ ચા પીવાથી નવી ઉર્જા પ્રાપ્ત થાય છે. આ બિલકુલ ખોટી વાત છે. આવુ કરવાથી તમને દિવસ દરમિયાન વધુ થાક લાગે છે.

ઉબકા આવવા
ખાલી પેટે ચા પીવાથી પેટમાં પિત્ત-વાયુ થાય છે. આ સાથે જ કામ કરવાની પ્રક્રિયા પર અસર પડે છે. આ સમસ્યામાંથી બચવા માટે સવારે ખાલી પેટ ચા પીવાનું બંધ કરી દો.