ચહેરા પર લગાવો હોમમેડ ફેસ માસ્ક, 40ની ઉંમર બાદ પણ સ્કિન ટાઈટ અને યૂથફુલ રહેશે..

ચહેરા પર લગાવો હોમમેડ ફેસ માસ્ક, 40ની ઉંમર બાદ પણ સ્કિન ટાઈટ અને યૂથફુલ રહેશે..

વધતી ઉંમર સાથે ચહેરા પર કરચલીઓ પડવી સ્વાભાવિક છે. વધતી ઉંમર સાથે ત્વચા નિસ્તેજ થવા લાગે છે અને ચહેરા પર ફાઈન લાઈન્સ દેખાવા લાગે છે. આવી સ્થિતિમાં ત્વચાને યુવાન અને ભરાવદાર બનાવવા માટે કેટલાક ઘરેલું ઉપાય અપનાવીને વૃદ્ધત્વની પ્રક્રિયાને ધીમી કરી શકાય છે. હકીકતમાં, જેમ જેમ ઉંમર વધે છે તેમ ત્વચાની સ્થિતિસ્થાપકતા અને ભેજ ઘટવા લાગે છે. જેના કારણે આપણા શરીર પર દરેક જગ્યાએ કરચલીઓ દેખાવા લાગે છે.

ત્યારે આજે અમે આપને જણાવીશું એક એવા ફેસ માસ્ક વિશે જે તમને 40ની ઉંમર બાદ પણ જુવાન દેખાડશે…

ફેસ પેકની સામગ્રી

– અડધુ કેળું
– એક ઈંડું
– 4 ચમચી ઓટ્સ
– એક ચમચી ગુલાબજળ
– 2 ચમચી મધ.

ફેસ પેક કેવી રીતે બનાવવો
પાકેલા કેળાને મિક્સર ગ્રાઇન્ડરમાં નાખીને બીટ કરો. હવે તેમાં ઈંડાની સફેદી, ઓટ્સ, કાચું મધ અને છેલ્લે ગુલાબજળ ઉમેરો. જ્યારે તે બરાબર મિક્સ થઈ જાય અને તેનું ટેક્સચર સ્મૂધ થઈ જાય, ત્યારે તેને ચહેરા પર લગાવો. આ માટે તમે તમારી આંગળીઓનો ઉપયોગ કરી શકો છો. ચહેરાને લગાવતા પહેલા તેને સારી રીતે સાફ કરવાનું ભૂલશો નહીં.

જો તમે ચહેરાને એક્સફોલિએટ કરી લો અને ચહેરા પર લગાવતા પહેલા તેને ધોઈને સાફ કરી લો તો સારું રહેશે. આમ કરવાથી માસ્ક વધુ અસરકારક બનશે. જ્યારે માસ્ક અડધો સુકાઈ જાય, ત્યારે ચહેરાને સારી રીતે ધોઈને સૂકવો. હવે ચહેરા પર એન્ટી એજિંગ સીરમ લગાવો. આ માસ્ક તમે દર અઠવાડિયે રાત્રે સૂતા પહેલા લગાવી શકો છો.

ફેસ માસ્કના ફાયદા
આ ફેસ માસ્કમાં વિટામિન-C અને E ભરપૂર માત્રામાં હોય છે. કેળા ત્વચાને પોષણ આપે છે અને તેને નરમ બનાવે છે.  વિટામિન-સી તમારી ત્વચામાં કોલેજનનું સ્તર વધારવામાં મદદ કરે છે. ઓટ્સ તમારી ત્વચામાંથી ગંદકી દૂર કરવામાં મદદ કરે છે અને છિદ્રોને સાફ કરે છે. આ રીતે તમારી ત્વચા કુદરતી રીતે ચમકે છે અને વૃદ્ધત્વની પ્રક્રિયા ધીમી પડી જાય છે.