શોખ બડી ચીઝ હૈ… 71 હજાર રુપિયાનું સ્કૂટર 16 લાખ રુપિયામાં ઘરે આવ્યું
![](https://citywatchnews.com/wp-content/uploads/2022/04/featured_1650353402.png)
ચંદીગઢમાં એક વ્યક્તિએ સ્કૂટી ખરીદવા માટે કુલ 16.15 લાખ રૂપિયા ખર્ચ્યા. હવે તમે વિચારતા હશો કે આવી સ્કૂટી કયા વ્યક્તિએ ખરીદી છે, જેની કિંમત આટલી વધારે છે. વાસ્તવમાં વાત એ છે કે વ્યક્તિએ 71,000 રૂપિયામાં હોન્ડા એક્ટિવા ખરીદી હતી પરંતુ આ એક્ટિવાનો ફેન્સી નંબર મેળવવા માટે તેણે 15.44 લાખ રૂપિયા ખર્ચ્યા હતા. આ રીતે આ એક્ટિવાની કિંમત 16.15 લાખ રૂપિયા થઇ
વ્યક્તિ વિશે જાણો
મીડિયા રિપોર્ટ્સ અનુસાર ફેન્સી નંબર પ્લેટ પર લાખો રૂપિયા ખર્ચનાર વ્યક્તિનું નામ બ્રિજ મોહન છે. તે સેક્ટર 23માં રહે છે અને એડવર્ટાઈઝીંગ પ્રોફેશનલ છે. તેણે CH01-CJ-0001 નંબર માટે આટલી મોટી રકમ ખર્ચી છે.
જાણો કયો નંબર કયા દરે વેચાયો હતો
ફેન્સી નંબરની હરાજી દરમિયાન, CH01-CJ-0001 સૌથી વધુ 15.44 લાખ રૂપિયામાં વેચાયો હતો જ્યારે તેની રિઝર્વ કિંમત માત્ર 50,000 રૂપિયા હતી. તે જ સમયે, નંબર CH-01-CJ-002 5.4 લાખ રૂપિયામાં વેચાયો હતો. CH-01- CJ-007 ની 4.4 લાખ રૂપિયામાં હરાજી કરવામાં આવી હતી જ્યારે CH-01- CJ-003 નંબરની 4.2 લાખ રૂપિયામાં હરાજી કરવામાં આવી હતી.
VIP નંબર વિશે જાણો
રાજ્ય પરિવહન વિભાગે દરેક શ્રેણીમાં 0001 અને 9999 વચ્ચેના ઘણા નંબરોને VIP નંબર તરીકે જાહેર કર્યા છે. આ નંબરો સામાન્ય નોંધણી પ્રક્રિયા દ્વારા ઉપલબ્ધ નથી કરાતા.. પરિવહન તંત્ર દ્વારા જેને પણ આ નંબરો જોઇતા હોયતો હરાજી કરતી હોય છે જે વધુ બોલી લગાવે તેનઆ નંબરો અપાતા હોય છે.
Recent Comments