સુપ્રિયા સુલે ઘરે જઈને રસોઈ બનાવો’, મહારાષ્ટ્ર બીજેપી અધ્યક્ષની વિવાદાસ્પદ ટિપ્પણી, NCPનો વળતો જવાબ

મહારાષ્ટ્ર બીજેપી અધ્યક્ષ ચંદ્રકાંત પાટીલે NCP સાંસદ સુપ્રિયા સુલેને રાજકારણમાં આવવાને બદલે ઘરે જઈને રસોઈ બનાવવાનું કહ્યું છે. તેમની આ ટિપ્પણીથી હવે વિવાદ ઉભો થયો છે. પાટીલના આ નિવેદન બાદ રાજકારણ ગરમાયું છે અને NCPએ પણ વળતો પ્રહાર કર્યો છે. પાટીલે બુધવારે મુંબઈમાં રાજ્ય ભાજપ એકમની ચૂંટણીમાં અન્ય પછાત વર્ગો (ઓબીસી) માટે અનામતની માંગણીના વિરોધ દરમિયાન આ ટિપ્પણી કરી હતી.

શું બાબત છે

વાસ્તવમાં, સુલેએ પાર્ટીની એક બેઠકમાં કહ્યું હતું કે મધ્યપ્રદેશના મુખ્યમંત્રી દિલ્હી આવ્યા અને કોઈને મળ્યા. મને ખબર નથી કે આગામી બે દિવસમાં અચાનક શું થયું અને તેમને OBC અનામત માટે લીલી ઝંડી મળી ગઈ. તે જ સમયે, આ નિવેદન પર પલટવાર કરતા મહારાષ્ટ્ર બીજેપી અધ્યક્ષે કહ્યું કે તમે રાજકારણમાં કેમ છો? રાજનીતિ ન સમજતા હો તો ઘરે જઈને રસોઈ બનાવો. તમે રાજકારણમાં છો અને મુખ્ય પ્રધાનને કેવી રીતે મળવું તે ખબર નથી?

એનસીપીએ પ્રતિક્રિયા આપી

પાટીલની ટિપ્પણી પર, એનસીપીની રાજ્ય મહિલા પાંખના પ્રમુખ વિદ્યા ચવ્હાણે, તેમનું નામ લીધા વિના કહ્યું કે એક વ્યક્તિ જેણે વર્તમાન મહિલા ધારાસભ્યને ટિકિટ નકારી અને તેના મતવિસ્તારમાંથી ચૂંટણી લડી. તેઓ બે વખત સંસદ રત્ન એવોર્ડથી સન્માનિત મહિલા સાંસદ સાથે ગેરવર્તન કરી રહ્યા છે.

More news to explore