મથુરામાં હોટેલમાં ભીષણ આગ,કર્મચારીઓ જીવતા સળગ્યા,એકની હાલત હજુ નાજુક

મથુરામાં વૃંદાવનની ગાર્ડન હોટલમાં ભીષણ આગ લાગી હતી. આ અગ્નિકાંડમાં બે લોકોના જીવતા સળગી જવાથી મોત થઈ ગયા હતા, જ્યારે એક કર્મચારી દાઝી ગયો હતો. તેની હાલત ગંભીર છે. તેને આગ્રાની એસએન મેડિકલ કોલેજમાં રિફર કરવામાં આવ્યો છે. હોટેલના ઉપરના માળે આવેલા એક વેરહાઉસમાં આગ લાગી હતી. પછી ધીમે ધીમે તે નીચે પહોંચવા લાગી. જ્યારે હોટેલ વૃંદાવન ગાર્ડનના ઉપરના માળે આગ લાગી ત્યારે રૂમમાં ઘણા ગેસ્ટ પણ હાજર હતા. આગની માહિતી મળતાં પહોંચેલી ફાયર બ્રિગેડની ટીમે તમામ ગેસ્ટ્‌સને સલામત રીતે બહાર કાઢ્યા હતા. પરંતુ ઉપરના માળે ચાર કામદારો આગની લપેટમાં આવી ગયા હતા. ભારે જહેમત બાદ તેમને બચાવી લેવામાં આવ્યા હતા, પરંતુ ત્યાં સુધીમાં બેના મોત થઈ ચૂક્યા હતા. જે હોટેલ બિલ્ડિંગમાં આગ લાગી તે ત્રણ માળની છે. તેમાં પહેલા માળે રેસ્ટોરાં, બીજામાં કિચન અને ત્રીજામાં વેરહાઉસ છે. આગ વેરહાઉસમાંથી શરૂ થઈ હતી.

તે જ સમયે, આ બિલ્ડિંગની બાજુમાં બીજાે બ્લોક છે, જેમાં ૨૫ રૂમ બનાવવામાં આવ્યા છે. જેમાં સુરત, હિસાર અને જમ્મુના પ્રવાસીઓ રોકાયા હતા. તેમની શ્રી મદ ભાગવત કથા ચાલી રહી હતી. ઓરિસ્સાના પ્રવક્તા ભાગવત કરી રહ્યા હતા. ભાગવત કથાનો છેલ્લો દિવસ હતો. વહેલી સવારે આ અકસ્માત થયો હતો. વૃંદાવન રોડના મુખ્ય માર્ગ પર હોટેલ મથુરા આવેલી છે. જે બે કર્મચારીઓ હોટલમાં મૃત્યુ પામ્યા હતા. તેમની ઓળખ મથુરાના રહેવાસી ઉમેશ (૩૦) અને કાસગંજના રહેવાસી વીરી સિંહ (૪૦) તરીકે થઈ છે. કહેવામાં આવી રહ્યું છે કે બંને સ્ટોરમાં જ સૂતા હતા, તેમને ત્યાં લાગેલી આગથી બચવાનો મોકો મળ્યો ન હતો. બંને જીવતા સળગતા મૃત્યુ પામ્યા. તે જ સમયે, અન્ય એક કર્મચારી ગંભીર રીતે દાઝી ગયો છે. તે કોઈ હાલતમાં આગમાં ફસાઈ ગયો હતો કે કેમ તે જાણી શકાયું નથી. ઝ્રર્હ્લં પ્રમોદ વર્માએ જણાવ્યું કે, આગ કયા કારણોસર લાગી તેની તપાસ થઈ રહી છે.

શોટ સર્કિટથી આગ લાગવાની આશંકા છે. કોઈ કર્મચારીએ સિગરેટ-બીડી પીને ફેંકી હોય અને આગ લાગી હોય તેની પણ આશંકા છે. હોટલના ઝ્રઝ્ર્‌ફની પણ તપાસ કરવામાં આવશે. જીઁ અભિષેક યાદવે કહ્યું કે, સવારે હોટેલના ટોપ ફ્લોરમાં આગ લાગ્યાની સૂચના મળી હતી. ત્યાર પછી ફાયર બ્રિગેડની ટીમે આગ પર કાબૂ મેળવ્યો. ટોપ ફ્લોરના વેરહાઉસમાં બે કર્મચારી સૂઈ રહ્યા હતા. અકસ્માતને કારણે તેમના મોત થઈ ગયા. હોટેલમાં આવેલા તમામ મુસાફરો સુરક્ષિત છે. ટોપ ફ્લોર પર હોટેલના દસ્તાવેજાે તેમજ ઈલેક્ટ્રોનિક સામાન રાખેલો હતો. આગ લાગવાના કારણની તપાસ થઈ રહી છે.